माहूर तालुक्यातील पाचोंदा शिवारात आज सायंकाळी ही घटना घडली. अंतकलाबाई अशोक आढागळे ( वय 55) आणि अनुसयाबाई साहेबराव आढागळे(वय 45) अशी मृत महिलांची नावे आहेत. या दुहेरी हत्याकांडामुळे माहूर तालुक्यात भीतीचे वातावरण निर्माण झाले आहे.

माथेरानमध्ये अमावस्येची रात्र भयभीत करणारी! स्मशानभूमीत अघोरी पूजेचे अवशेष; नागरिकांमध्ये भीतीचे सावट

सख्ख्या जावा शेतात गेल्या अन्

पाचोंदा शिवार हा डोंगराळ भाग असून माहूर शहरा पासून 35 किलो मीटर दूर आहे. अंतकलाबाई आढागळे आणि अनुसयाबाई आढागळे या याच गावातील रहिवासी आहेत. नात्याने ह्या दोघी सख्ख्या जावा आहेत. नेहमी प्रमाणे दोघी कापूस वेचण्यासाठी आजही शेताकडे गेल्या होत्या. स्वतःच्या शेतात कापूस वेचणीचे काम करत असताना अज्ञाताने दोघींची गळा आवळून हत्या केली. त्यानंतर अज्ञाताने त्या दोघींच्या अंगावरील दागिनेही चोरले.

दोघींच्या गळ्यातील मंगळसूत्र लंपास

दरम्यान, घटनेची माहिती मिळताच माहूर पोलीस ठाण्याचे पोलीस निरीक्षक देविदास चोपडे, सहाय्यक पोलीस निरीक्षक शरद घोडके यांनी घटना घटनास्थळी धाव घेतली. यावेळी, दोन्ही महिलेच्या अंगावरील दागिने गायब झाल्याचे पोलिसांना निदर्शनास आले. हत्येचे नेमके कारण अजून स्पष्ट झाले नसले तरी दोन्ही महिलांच्या गळ्यातील मंगळसूत्र गायब असल्याने लुटमारीच्या उद्देशाने सदरील खून झाल्याची चर्चा आहे.

या दुर्दैवी आणि हृदयद्रावक घटनेमुळे गावात भीतीचे वातावरण निर्माण झाले असून नागरिकांमध्ये अस्वस्थता पसरली आहे. या घटनेने आढागळे कुटुंबियांवर दुःखाचा डोंगर कोसळला आहे. दरम्यान ही घटना लूटमारीशी संबंधित आहे की कोणत्या वैयक्तिक वैमनस्यातून घडली का याचा तपास माहूर पोलीस करत आहेत. शेतात रोज प्रमाणे कापूस वेचण्यासाठी जाणे त्यांच्या जीवावर बेतेल असा कोणीही विचार सुद्धा केला नव्हता.