पंतप्रधान मोदींवर बिहारवासीयांचं प्रेम आहे. जो विश्वास आहे. ते या निकालावरुन स्पष्ट होत आहे. मुख्यमंत्री नितिश कुमारांची जी स्वच्छ प्रतिमा आहे त्यावरही या निकालातून शिक्कामोर्तब झालं आहे. याशिवाय एलजेपीचे चिराग पासवान, मांझी, उपेंद्र कुशवाह अशी आमची मोठी चांगली युती बिहारमध्ये झाली होती. या युतीला बिहारमधील जनतेने मोठा प्रतिसाद दिला आहे, असं यावेळी फडणवीस म्हणाले आहेत.

Kolhapur News: भाजपचा मित्रपक्षांना दे धक्का! स्वबळावर लढण्याचा निर्णय, मुख्यमंत्री फडणवीस करणार उमेदवारांची घोषणा

दुसरं म्हणजे या विजयानंतर काँग्रेस व राहुल गांधी यांनी देशात चालवलेला विषारी प्रचाराला जनतेनं हे प्रत्युत्तर दिलं आहे. सातत्याने संवैधानिक संस्थांचा अपमान करणं, संवैधानिक मार्गाने काम करत असताना त्याला विरोध करणं, जनतेने निवडून दिलेल्या सरकारचा अपमान करणं, जनतेलाही कळलेलं आहे की, हे आरोप म्हणजे आमच्या मतांचा अपमान आहे. त्यामुळे जोपर्यंत राहुल गांधी हे वर्तन ठेवतील तोपर्यंत काँग्रेसची स्थिती अशीच राहील, असं मुख्यमंत्री फडणवीस म्हणाले आहेत.

आरजेडीपेक्षाही काँग्रेसची हालत खराब आहे. काँग्रेस एमआयएम, कम्युनिस्ट पक्षांपेक्षाही खाली घसरली आहे. काँग्रेसचा बिहारच्या इतिहासातला सर्वात कमी स्कोर आलेला आहे. वोटचोरचा आरोप राहुल गांधींनी केला होता. पण त्यांच्याबरोबरचे पक्ष जोपर्यंत आत्मपरिक्षण करत नाहीत, तोपर्यंत ते निवडून येऊ शकत नाहीत असं फडणवीस म्हणाले आहेत.

मुख्यमंत्री कोण होणार?

दरम्यान, बिहारमध्ये मुख्यमंत्री नितिश कुमारांच्या नेतृत्वामध्येच निवडणुका पार पडल्या आहेत. त्यामुळे आता पक्षश्रेष्ठी ठरवतील की मुख्यमंत्री कोण होणार, यावर बोलण्याचा अधिकार मला नाही, असं मुख्यमंत्री फडणवीस यावेळी म्हणाले आहेत.