दिव्यांग प्रवाशांना तिकीटांत सूट

मुंबई मेट्रोकडून दिव्यांग प्रवाशांना प्रवास करताना 25 टक्के सूट देण्यात येणार आहे. महिन्याच्या पासवर ही सवलत असेल. पुढील जवळपास 10 दिवसांत ही सूट देण्यात येणार आहे.

मासिक पासवर 25 टक्के सूट मिळणार

ज्येष्ठ पत्रकार दिपक कैतके यांनी दिव्यांगांसाठी मेट्रो प्रवासात सूट देण्याबाबत सतत पाठपुरावा केला होता. अखेर याला यश आलं आहे. मेट्रो प्रशासनाकडे कैतके यांनी सवलतीची मागणी केल्यानंतर त्या मागणीला मेट्रो प्रशासनाकडून सकारात्मक उत्तर मिळालं आहे. मेट्रोकडून आता प्रवाशांना भुयारी मेट्रोतून प्रवास करताना मासिक पासवर 25 टक्के सूट मिळणार आहे. याशिवाय अशीही मागणी होत आहे, की दिव्यांग प्रवाशांच्या अडचणी पाहता दिव्यांगात्वाच्या टक्केवारीनुसार ही सूट द्यावी अशी मागणी नव्याने कैतके यांच्याकडून करण्यात आली आहे.

‘किमान 50 टक्के सवलत द्यावी’

त्यांनी ही मागणी करताना लिहिलंय, ‘महोदय, दिव्यांग प्रवाशांना मिळणारी सवलत त्यांच्या दिव्यांगत्वाच्या टक्केवारीनुसार निश्चित करण्यात यावी, ही नम्र विनंती आहे. मेट्रो 3 अद्याप पूर्णपणे सुलभ नसल्याने प्रवासासाठी सहकारी घ्यावा लागतो. त्यामुळे कृपया किमान 50 टक्के सवलत देण्याचा विचार करावा. सवलत देताना दिव्यांग व्यक्तींच्या दिव्यांगत्वाच्या टक्केवारीवर लक्ष ठेवून UDID कार्ड वर किती टक्के दिव्यांग आहे हे पाहून तशी सवलत द्यावी. ती किमान 50 टक्के असावी,’ अशी मागणी त्यांनी केली आहे. यामुळे मोठा फायदा होणार होणार आहे.