नकुल आनंद भोईर, वय ४० वर्ष, रा. भोईर कॉलनी, लिंक रोड, चिंचवड, असे खून झालेल्या पतीचे नाव आहे. त्याची पत्नी चैताली नकुल भोईर, वय २८ वर्ष, माणिक कॉलनी, लिंक रोड, चिंचवड, हिला पोलिसांनी अटक केली आहे. चिंचवड ठाण्याचे पोलिस निरीक्षक दीपक गोसावी यांनी याबाबत माहिती दिली.

नेमकं काय झालं?

दिवाळीत भाऊबीजेला म्हणजेच गुरुवार २३ ऑक्टोबर रोजी रात्री घरापासून काही अंतरावर असणाऱ्या आरोग्य केंद्राच्या इमारतीत गप्पा मारत असताना नकुल आणि चैताली या दोघांमध्ये काही कारणावरुन भांडण झालं. हा वाद विकोपाला गेल्याने रागाच्या भरात चैतालीने कापडाने गळा दाबून नकुल यांचा खून केला. त्यानंतर तिने स्वत:च पोलिस नियंत्रण कक्षाला घडलेला प्रकार कळवला. घटनेच्या वेळी त्यांची दोन आणि पाच वर्षांची मुलं घरी झोपलेली होती.

घटनेची माहिती मिळताच चिंचवड पोलिसांसह वरिष्ठ पोलिस अधिकाऱ्यांनीही घटनास्थळी धाव घेतली. चैताली हिला पोलिसांनी ताब्यात घेतले. तिला २६ ऑक्टोबरपर्यंत पोलिस कोठडीत ठेवण्याचा आदेश न्यायालयाने दिला आहे.
Mission Yamini Priya, व्हॉट्सअपवर ग्रुप बनवला, विद्यार्थिनीच्या सेकंद-सेकंदाची अपडेट, रेल्वे ट्रॅकजवळ विघ्नेशने डाव साधला

निवडणूक लढवण्याची होती तयारी

नकुल भोईर यांचा चिंचवड भागात मोठा जनसंपर्क होता. भोईर हे मराठा सेवा संघ आणि संभाजी ब्रिगेड या संघटनेचे पदाधिकारी होते; तसेच राष्ट्रवादी काँग्रेस शरदचंद्र पवार पक्षाचे ते कार्यकर्ते होते. याशिवाय विविध सामाजिक चळवळींमध्येही त्यांचा सहभाग असे. आगामी पिंपरी चिंचवड महापालिका निवडणूक लढवण्यासाठी दोघांनी तयारी केली होती.
Mumbai Crime : ब्रेकअपनंतर मयुरेश बिल्डिंगजवळ भेट, वादावादीत सोनूचा पारा चढला, जीव वाचवायला ती नर्सिंग होममध्ये शिरली, अखेर…
नकुल आणि चैताली मिळून साडी सेंटर चालवत होते. चैतालीलाही भविष्यात नगरसेविका व्हायचे होते. त्यानुसार ती समाजसेवेमध्येही सक्रिय होती. मात्र त्याआधीच घडलेल्या या प्रकाराने त्यांचे परिचितही हादरले आहेत.