रेडइट पोस्टनुसार, तरुण Aisle नावाच्या ऍपच्या माध्यमातून एका तरुणीला भेटायला गेला. दोघांमध्ये काही दिवस गप्पा झाल्या. त्यानंतर दोघांनी भेटायचं ठरवलं. ही एक सामान्य भेट असेल, असा विचार तरुणानं केला. पण ही भेट त्याला आयुष्यभर लक्षात राहणारा धडा शिकवून गेली. दोघांमध्ये काही दिवस संवाद झाल्यानंतर तरुणीनं जवळच असलेल्या एका चांगल्या बारमध्ये भेटण्याची कल्पना सुचवली.
रेल्वे फाटकात बाईक घसरली, तरुण उचलायला गेला; तितक्यात ट्रेन आली, काळजाचा थरकाप उडवणारा VIDEO
भेटल्यावर काय घडलं?
तरुणीची कल्पना आवडल्यानं तरुण तिला भेटायला गेला. बारमध्ये प्रवेश केल्यावर त्याला तिथलं वातावरण काहीसं विचित्र वाटलं. मोठा हॉल, खुर्च्या, संगीत, मोजकेच लोक, असं सगळं वातावरण होतं. तिथे गेल्यावर त्याला थोडं विचित्र वाटलं. काहीतरी गडबड असल्याची शंका आली. पण त्याकडे तरुणानं फारसं लक्ष दिलं नाही.

‘आम्ही बसलो आणि संवाद सुरु झाला. सगळं काही सुरळीत सुरु होतं. पण त्यानंतर तरुणी सतत ड्रिंक मागवू लागली. काही वेळातच तिनं खूप ड्रिंक मागवल्या. विशेषत: त्या ब्ल्यू लेबलच्या होत्या. जेव्हा बिल आलं, तेव्हा मला धक्काच बसला. बिलाची रक्कम २४ हजार रुपये होती. त्यात २ हजार रुपये अतिरिक्त सेवा शुल्क लावण्यात आलं होतं. प्रत्येक ड्रिंक ६० मिली प्रमाणात होतं, असं बारमधील कर्मचाऱ्यांनी सांगितलं,’ असं तरुणानं पोस्टमध्ये नमूद केलं आहे.
सिलिंडर स्फोटात गंभीर जखमी, 11 दिवसांनंतर मृत्यू; भारती यांची अखेरची इच्छा वाचून तुम्हीही रडाल!
तरुणी आणि बार चालकांची मिलीभगत
‘बिलाची रक्कम पाहून मला धक्काच बसला. तिथे अनेक वेटर उभे होते. त्यांच्याशी हुज्जत घालणं ठीक नाही, असं त्यांच्या देहबोलीवरुन वाटत होतं. मी कसेबसे घाबरुन त्यांना १० हजार रुपये दिले आणि तिथून काढता पाय घेतला,’ अशा शब्दांत तरुणानं आपबिती सांगितली. पोस्ट व्हायरल होताच अनेकांनी त्यावर प्रतिक्रिया दिली. हा प्रकार मुंबई आणि ठाण्यात सर्रास सुरु असल्याचं काहींनी कमेंटमध्ये म्हटलं आहे. एका वाचकानं तर तरुणालाच प्रश्न केला. तू बातम्या वाचत नाही का? गेल्या ३ ते ४ वर्षांपासून हा प्रकार सर्रासपणे सुरु असल्याचं रेडइट यूझरनं म्हटलं. तरुणी आणि बारवाल्यांचं साटंलोटं असतं आणि ते मिळून तरुणांना फसवतात, असं अनेकांनी कमेंटमध्ये लिहिलं आहे. ठाण्यातील काही बारमध्ये अशा प्रकारच्या घटना अनेकदा होत असल्याची माहिती एका यूझरनं दिली आहे.