हल्ल्याची थरारक माहिती

फिर्यादी प्रतीक ऊर्फ छोटू प्रफुल्ल शिंदे (वय 28) आणि त्याचा भाऊ सतिश शिंदे हे गुरुवारी पहाटे त्यांच्या घरात झोपलेले होते. अचानक आरोपी किरण नितीन शिंदे, मंगेश बाळू जाधव (दोघेही रा. धाकटे वेणगाव), जय सुनिल साबळे (रा. करंजाडे, पनवेल) आणि त्यांच्यासोबतचे दोन अनोळखी इसम काळ्या रंगाच्या कारने त्यांच्या घरासमोर आले. त्यानंतर घराचा दरवाजा तोडून ते आत घुसले. त्यांनी हातात चॉपर, कोयता व बंदुकीचा धाक दाखवून प्रतीक आणि सतिश यांच्यावर थेट प्राणघातक हल्ला केला. चॉपरने भोसकून आणि रिव्हॉल्वरच्या मुठीने मारहाण करण्यात आली. यामध्ये दोघे भाऊ गंभीर जखमी झाले असून, त्यांच्या आई-वडिलांनाही मार लागला आहे. घटनास्थळी आरडाओरड होताच परिसरातील नागरिक जमा झाले, मात्र आरोपी काही मिनिटांतच घटनास्थळावरून कार घेऊन पसार झाले.

Kolhapur Crime : कोल्हापुरात चाललंय काय? तळसंदेनंतर पेठवडगावात धक्कादायक प्रकरण, बाथरुमध्ये नेऊन विद्यार्थ्याला मारहाण

पोलीस यंत्रणेची तात्काळ हालचाल

घटनेची माहिती मिळताच कर्जत पोलीस ठाण्याचे निरीक्षक संदीप भोसले, सहाय्यक पोलीस निरीक्षक लटपटे यांच्या नेतृत्वाखाली पोलीस पथक घटनास्थळी दाखल झाले. फॉरेन्सिक टीमने देखील तातडीने पाहणी करून रक्ताचे नमुने, हत्यारे जप्त केली आहेत. पोलिसांनी हल्ल्यात वापरलेला चॉपर, कोयता आणि बंदूक जप्त केली आहे.

आरोपींविरुद्ध कठोर कारवाईची मागणी

सध्या दोन्ही जखमी भावांवर कल्याण आणि उल्हासनगर येथील रुग्णालयात उपचार सुरू आहेत. घटनेनंतर परिसरात भीतीचे आणि संतापाचे वातावरण पसरलं असून, ग्रामस्थांनी हल्लेखोरांविरुद्ध कठोर कारवाई करण्याची मागणी केली आहे.

Ajit Pawar : संग्राम जगतापांना कारणे दाखवा नोटीस; पण जगतापांना कारवाईचा इशारा नवीन नाही, इतिहास काय सांगतो?

भावकीतील जुना वाद

पोलिसांच्या प्राथमिक तपासात ही घटना सख्ख्या चुलत भावांमध्ये सुरु असलेल्या जुन्या वादातून उफाळून आल्याचं स्पष्ट झालं आहे. काही दिवसांपूर्वीही कर्जत तालुक्यात अशाच प्रकारचा गोळीबाराचा प्रकार घडला होता. त्यामुळे कर्जत परिसरात कायदा-सुव्यवस्थेचा प्रश्न पुन्हा ऐरणीवर आला आहे.

मुलगा जेवणाचा डब्बा घेऊन शेतात आला, वडील कांद्याच्या पिकात निपचित पडलेले; वनविभागाच्या निवृत्त अधिकाऱ्यासोबत काय घडलं?

पोलीस तपास सुरू

पोलीस निरीक्षक संदीप भोसले यांच्या मार्गदर्शनाखाली तपास सुरु असून, आरोपींच्या शोधासाठी विशेष पथक तयार करण्यात आले आहे. लवकरच आरोपींना अटक केली जाईल, असा विश्वास पोलीस प्रशासनाने व्यक्त केला आहे.