प्राथमिक तपासानुसार, अज्ञात आरोपी घराच्या मागील दरवाज्यातून आत शिरला आणि सुनिता यांचं उशीने तोंड दाबून हत्या केली. आश्चर्याची बाब म्हणजे, घरातून कोणत्याही प्रकारच्या मौल्यवान किंवा कोणतीही वस्तू चोरीला गेल्याचं दिसून आलं नाही. त्यामुळे ही हत्या चोरीसाठी नसून इतर दुसऱ्या कारणासाठी केली असावी, असा पोलिसांचा प्राथमिक अंदाज आहे.

‘आम्ही बाळासाहेबांची ओरिजनल फौज’; ठाण्यात राजन विचारे-अविनाश जाधव एकत्र, शिंदे सेनेला दिला इशारा; म्हणाले, ‘आमची सत्ता येईल तेव्हा…’

मिळालेल्या माहितीनुसार, सुनीता भोयर यांचे पती महानगरपालिकेत सफाई कर्मचारी म्हणून कार्यरत होते. त्यांच्या मृत्यूनंतर मुलगा आकाश भोयर याला अनुकंपा तत्त्वावर नोकरी मिळाली होती. आकाश आपल्या पत्नीसोबत 7 ऑक्टोबरला मुंबईला फिरायला गेला होता. आज शुक्रवारी सकाळी आठच्या सुमारास दोघे घरी परतले असता त्यांनी घरातील भयानक दृश्य पाहिलं. सुनीता भोयर मृत अवस्थेत होत्या. त्यांनी त्वरित पोलिसांना घटनेची माहिती दिली. वाठोडा पोलिसांनी घटनास्थळी धाव घेतली. वरिष्ठ अधिकारी, डॉग स्क्वॉड आणि फॉरेन्सिक तज्ज्ञांनी घटनास्थळाची पाहणी केली. मृतदेहाला पोस्टमार्टमसाठी पाठवण्यात आलं असून अहवालाची प्रतीक्षा आहे.

सध्या पोलिसांनी हत्येचा गुन्हा दाखल करून तपास सुरू केला आहे. अनेक संशयितांची चौकशी सुरू असून परिसरातील सीसीटीव्ही फुटेजही तपासले जात आहेत. घराच्या मागील बाजूने आरोपीने आत येऊन पुन्हा त्याच मार्गाने पळ काढल्याचा अंदाज पोलिसांनी वर्तवला आहे.

Jhund Actor Babu Chhetri Died : डोक्याला किक देणारा पदार्थ शरीरामध्ये भिनला अन्…; ‘त्या’ दिवशी व्हिलनगिरी नडली, ‘झुंड’चा कलाकार हकनाक गेला

हत्या का करण्यात आली, या मागे वैयक्तिक वैर, कौटुंबिक कारण की इतर काही कारण आहे का, हे अद्याप स्पष्ट झालेले नाही. या रहस्यमय हत्येमुळे सेनापति नगर परिसरात नागरिकांमध्ये भीतीचे वातावरण निर्माण झाले असून. नागपूर पोलिसांनी आरोपीचा शोध घेण्यासाठी विशेष पथकाची स्थापना केली आहे.