कुटुंबाच्या विरोधात जात केलं बहिणीशी लग्न

नंदुरबारच्या शहादा तालुक्यातील रायखेड येथे राहणाऱ्या अशपाक तेली याने गावातीलच आतिक युनूस पठाण याच्या बहिणीशी प्रेमविवाह केला होता. तरुणीच्या कुटुंबाचा विरोध असतानाही या दोघांनी त्यांच्या विरोधात जात लग्न केलं होतं. या घटनेनंतर आतिक युनूस पठाण याच्या मनात प्रचंड राग होता. त्यातून त्यांची आपसात धुसफूस सुरू होती.
Chhatrapati Sambhajinagar: घर बांधायचं आहे, वडिलांना पैसे माग; तीन वर्ष त्रास सोसला, अखेर नको तेच घडलं, मन सुन्न करणारी कहाणी

कारची जोरदार धडक देत जीवे मारण्याची धमकी दिली

5 ऑक्टोबर रोजी सकाळी 10 वाजेच्या सुमारास अशपाक याचा पुतण्या शोएब तेली हा रायखेड जवळ असलेल्या कोचरा फाट्याजवळ मजुरांची वाट पाहत उभा होता. यावेळी आतिक पठाण याने त्याच्या ताब्यातील कार भरधाव आणून शोएब तेली याला मागून जोरदार धडक देत जिवे ठार मारण्याचा प्रयत्न केला. त्यानंतर तुला जिवंत सोडणार नाही अशी धमकी देऊन पठाण तेथून निघून गेला.

पुतण्याला गंभीर दुखापत, तरुणीच्या भावाविरोधात पोलिसात गुन्हा दाखल

या घटनेत शोएब तेली याच्या डाव्या पायाला जबर दुखापत झाली आहे. याप्रकरणी शोएब तेली याच्या फिर्यादीवरून म्हसावद पोलीस ठाण्यात आतिक युनूस पठाण याच्याविरुद्ध भारतीय न्याय संहिता चे कलम 109, 351 (2) (3) प्रमाणे गुन्हा दाखल करण्यात आला आहे. या प्रकरणी पुढील तपास सहाय्यक पोलीस निरीक्षक नितीन कामे करीत आहेत. या घटनेमुळे परिसरात एकच खळबळ उडाली.