सुरुवातीपासून विविध कारणांनी टीका झालेली मेट्रो ३ ही देशातील सर्वाधिक ३३ किमी लांबीची व २७ स्थानकांची भुयारी मेट्रो आहे. त्यातील जवळपास २२ किमी आणि १६ स्थानकांदरम्यान ही मार्गिका ऑक्टोबर २०२४ व मे २०२५ दरम्यान प्रवासीसेवेत दाखल झाली आहे. आरे जेव्हीएलआर-बीकेसी-आचार्य अत्रे चौकादरम्यान ती सध्या सुरू आहे. आता मार्गिकेचा अखेरचा टप्पा हा ११ स्थानके व १०.९० किमी लांबीचा आहे. या अखेरच्या टप्प्यामुळे मेट्रो ‘मुंबई बेट’ म्हणून ओळख असलेल्या भागात दाखल होईल.
एकाच ठिकाणी मिळणार बस, मेट्रो, लोकल ट्रेन आणि मोनोचं तिकीट, पंतप्रधान मोदींच्या हस्ते Mumbai One App चं उद्घाटन
मार्गिकेच्या या टप्प्यात विज्ञान केंद्र, महालक्ष्मी, जगन्नाथ शंकरशेठ (मुंबई सेंट्रल), ग्रँट रोड, गिरगाव, काळबादेवी, छत्रपती शिवाजी महाराज टर्मिनस, हुतात्मा चौक, चर्चगेट, विधानभवन व कफ परेड या भुयारी स्थानकांचा समावेश आहे. यामुळे मुंबई शहर व उपनगराच्या पश्चिम भागाची उत्तर-दक्षिण मेट्रो जोडणी पूर्ण होणार आहे. दरम्यान मार्गिकेच्या या टप्प्याला व टप्प्याशी निगडित स्थानकांना सोमवारपर्यंत मेट्रो रेल सुरक्षा आयुक्तांचे (सीएमआरएस) सुरक्षा प्रमाणपत्र प्राप्त झाले नव्हते. पंतप्रधानांच्या हस्ते उद्घाटन होत असतानादेखील एक दिवस आधी हे प्रमाणपत्र मार्गिकेला मिळाले.
ठाणे ते नवी मुंबई आंतरराष्ट्रीय विमानतळापर्यंत एलिव्हेटेड रोड; प्रवासासाठी 45 मिनिटं, ठाण्यातून कसा आहे मार्ग?

अशा असतील फेऱ्या –

पहिली गाडी – आरे जेव्हीएलआर व कफ परेड येथून सकाळी ५.५५ वाजता
अखेरची गाडी : आरे जेव्हीएलआर व कफ परेड येथून रात्री १०.३० वाजता (अखेरच्या गाड्या गंतव्य स्थानावर रात्री ११.२५ वाजता पोहोचतील)

मार्गिकेच्या या टप्प्यातील काही वैशिष्ट्ये –

– १२ प्रकारची माती व खडक फोडून भुयारीकरण, दर तीन किमीवर वेगळी माती
– कफ परेड-चर्चगेटदरम्यान किनारपट्टी वाळू असल्याने भुयारीकरण आव्हानात्मक
– चर्चगेट-महालक्ष्मीदरम्यान दोन प्रकारच्या माती व चिखलाचा सामना करत खणनकाम
– महालक्ष्मी-माहिमदरम्यान काही ठिकाणी समुद्रावरील भरावाच्या जमिनीखाली भुयारीकरण
– माहिम-वांद्रे वसाहतीदरम्यान मिठी नदीखालून बोगदा