डोंबिवलीत वंदे मातरम कॉलेजचा विद्यार्थी ऋषिकेश शर्विल परब या तरुणाने राहत्या इमारतीच्या 11व्या मजल्यावरून उडी मारून आत्महत्या केल्याची धक्कादायक घटना घडली. गर्लफ्रेंडसोबत वाद झाल्यानंतर त्याने टोकाचा निर्णय घेतला आणि आत्महत्या केली आहे. दरम्यान, त्याच्या उडी मारतानाचं दृश्य पाहून परिसरातील लोकांनी हळहळ व्यक्त केलीये. ऋषिकेश परब हा इमारतीतील 5व्या मजल्यावर राहत होता. मात्र, त्याने 11व्या मजल्यावर जात उडी मारली आणि आयुष्याचा शेवट केलाय.

Ratnagiri News: घरातून डॉक्टरांकडे निघाले, वाटेत दोन तरुणांना विव्हळत दिसले, रत्नागिरीत 55 वर्षीय व्यक्तीसोबत काय घडलं?

ऋषिकेश परब तो राहत असलेल्या सोसायटीत सकाळी 8 वाजल्यापासून बसलेला होता. प्राथमिक तपास केल्यानंतर गर्लफ्रेंडसोबत झालेल्या वादातून त्याने हे पाऊल उचलल्याचा अंदाज पोलिसांनी व्यक्त केला आहे. परब 5व्या मजल्यावर राहात होता, मात्र त्याने थेट 11व्या मजल्यावर जाऊन फायर डकमधून उडी घेतली. सकाळी 11.46 वाजता घटनेची माहिती अग्निशमन दलाला देण्यात आली. मात्र, अग्निशमन विभागाचे कर्मचारी घटनास्थळी पोहोचल्यावर काही वेळातच, दुपारी सुमारे 12 वाजता ऋषिकेशने उडी घेतली. या घटनेमुळे परिसरात हळहळ व्यक्त होत आहे.

Satara News : आई गं! मांडीवर बसून जेवताना श्रीशा कळवळली, उंदीर समजून माऊलीचं दुर्लक्ष, चार वर्षांच्या लेकराच्या जीवावर बेतलं

BF च्या मदतीने पतीला मारून खाडीत फेकलं

महिला आणि तिचा प्रियकर यांच्यातील प्रेमसंबंधांमध्ये अडथळा आणणाऱ्या या महिलेच्या पतीला पत्नीचा प्रियकर आणि अन्य दोघांनी मारहाण करत पुलावरून खाडीमध्ये फेकून दिल्याचा प्रकार ठाण्यात उघडकीस आला आहे. खाडीत फेकलेला हा व्यवती सुदैवाने वाचला असून संबंधित व्यक्तीच्या पत्नीसह चौघांविरुद्ध कापुरबावडी पोलिस ठाण्यात हत्या करण्याचा प्रयत्न केल्याचा गुन्हा दाखल झाला आहे. पत्नी आणि तिच्या प्रियकरामधील प्रेमसंबंधामध्ये अडथळा आणत असल्याने त्यांनी अन्य दोघांसह संगनमत करून हत्या करण्याचा प्रयत्न केल्याचा तक्रारदाराने आरोप करत पोलिस ठाण्यात तक्रार केली आहे.