मुख्य, हार्बर आणि ट्रान्सहार्बर मार्गाच्या तुलनेत सीवूड – उरण मार्गावर प्रवासी संख्या कमी आहे. यामुळे या मार्गावर गर्दीच्या वेळेत एका तासाच्या फरकाने आणि विनागर्दीच्या वेळेत दीड तासाच्या फरकाने लोकल धावते. येत्या काळात नवी मुंबई आंतरराष्ट्रीय विमानतळ खुले होणार आहे. विमानतळापासून जवळचे असलेले तारघर रेल्वे स्थानकाचे काम शेवटच्या टप्प्यात आहे. यामुळे उरण मार्गावर प्रवासी संख्या वाढण्याची शक्यता आहे. उरण मार्गावरील प्रवाशांनी फेऱ्या वाढवण्याबाबत मध्य रेल्वेकडे वारंवार पत्रव्यवहार केला होता.
पनवेल-बोरिवली-वसईमार्गे लोकलची नवी मार्गिका; विरारपर्यंत खास लाइन, नव्या कॉरिडोरचा कसा होणार फायदा?
नेरूळ – उरण मार्गावर दहा अप आणि दहा डाउन लोकल फेऱ्यांची वाढ करण्यात येणार आहे. यामुळे उरण मार्गावरील एकूण फेऱ्यांची संख्या ४० वरून ६० वर पोहोचेल. वाढीव फेऱ्यांमुळे दोन फेऱ्यांमधील अंतर कमी होण्यास मदत होणार आहे, असे रेल्वे अधिकाऱ्यांनी सांगितले.
Konkan Railway App : कोकण रेल्वेचं नवं ॲप, कोकणात प्रवास करणाऱ्या प्रवाशांना एका क्लिकवर मिळणार गाड्यांची सद्यस्थिती

आणखी फेऱ्यांचे नियोजन

बेलापूरमधून रोज एक लाख ३५ हजार प्रवासी प्रवास करतात. नेरूळ (९३,७३१), सीवूड दारावे (५२,०१६), बामनडोंगरी (१९,८६७), खारकोपर (१२,६८४), शेमटीखार (९९२), न्हावाशेवा (४,०६७), द्रोणागिरी (२.१०३) आणि उरणमधून १२,६०० प्रवासी रोज प्रवास करतात. लोकलने तिकीट घेऊन प्रवास करणाऱ्या प्रवाशांची संख्या वाढल्यास टप्प्याटप्प्याने आणखी फेऱ्या वाढवण्याचे नियोजन आहे, असेही रेल्वे अधिकाऱ्यांनी स्पष्ट केले आहे.

ट्रेनची संख्या वाढल्याने दोन लोकलमधील अंतर कमी होईल. याचा प्रवाशांना फायदा होऊन त्यांचा वेळ वाचेल. उरण मार्गावर एकूण ६० फेऱ्या झाल्यास अप मार्गावर ३० आणि डाऊन मार्गावर ३० फेऱ्या असतील. उरण वेगात विकसित होणारं शहर असल्याने या मार्गावर फेऱ्या वाढल्याने प्रवाशांना चांगली सुविधा मिळून प्रवास अधिक सुखकर होण्यास मदत होईल.