याबाबत सविस्तर वृत्त असे की, अल्पवयीन पीडिता ही 16 वर्षे तीन महिन्याची असून ती कामानिमित पनवेल तालुक्यात राहत आहे. अल्पवयीन पीडिता ही आणि आरोपी (वय-२० रा. चिचवली आदीवासीपाडी पो. नारंगी ता. अलिबाग जि. रायगड) हे दोघेही एकमेकाचे नातेवाईक आहेत. आरोपीने मे २०२४ ते २२ऑगस्ट २०२५ दरम्यान पीडिता ही अल्पवयीन आहे हे माहीत असून देखील तिला विवाहाचे आमिष दाखवले. पुढे पीडितेला स्वतःच्या घरी बोलवून तिच्या सोबत वारंवार शारीरिक संबंध प्रथापित केले. त्यामुळे सदर अल्पवयीन पीडिता ही नऊ महिन्याची गर्भवती राहून तिची अलिबाग येथील जिल्हा रुग्णालयात प्रसूती झाली. याबाबत पोयनाड पोलिस ठाण्यात गू.रजि.नं.८४/२०२५ भा.न्या.सं २०२३ चे कलम ६४. (२) (म) ६५(१), सह बालकांचे लैंगिक अपराधापासून संरक्षण अधिनियम २०१२ चे कलम ४,५(ज) (२) ५(ল),६ अन्वये गुन्हा दाखल करण्यात आला असून अधिक तपास सहाय्यक पोलीस निरीक्षक विजयकुमार देशमुख यांच्या मार्गदर्शनाखाली पोलिस उप निरीक्षकए.जी.मरस्कोले हे करीत आहेत.

अलीकडेच पेण तालुक्यात अशी घटना समोर आली होती. एका 22 वर्षीय तरूणाने अल्पवयीन मुलीशी जबरदस्तीने संबंध प्रस्थापित करत तिला 4 महिन्याचे गरोदर ठेवले होते. रायगड जिल्ह्यात महिन्याला अल्पवयीन मुलींवर जबरदस्ती करीत त्यांना गर्भवती ठेवण्याचे प्रकार हे जवळपास दहाच्या आसपास गुन्हे है जिल्ह्यातील विविध पोलिस ठाण्यात दाखल होत असतात. अल्पवयीन पीडिता ह्या महाराष्ट्र शासनाच्या महिला व बाल विकास मंत्री अदिती तटकरे यांच्या रायगड जिल्ह्यात सुरक्षित नाहीतर इतर जिल्ह्यात त्यांची काय परिस्थिती असेल असा प्रश्न सामान्यांकडून विचारण्यात येत आहे.