चिमुकली जेव्हा मोठ्याने रडत होती, तेव्हा परिसरात उपस्थित असलेल्या प्रवाशांना तिच्या रडण्याचा आवाज आला. प्रवासी आवाजाच्या दिशेने गेले असता त्यांना हा प्रकार समोर आला. यावेळी त्या चिमुकलीचा रक्तस्त्राव होत होता, असं उपस्थित लोकांनी सांगितलं आहे. या घटनेची तात्काळ माहिती संबंधित पोलिसांना देताच यावेळी घटनास्थळी परळी येथील संभाजीनगर पोलिस ठाण्याचे कर्मचारी येऊन त्या चिमुकलीला घेऊन परळी येथील उपजिल्हा रुग्णालयात तपासणीसाठी घेऊन गेले आहेत.

मोठी बातमी! मुंबई पोलीस सतर्क, शरद पवारांच्या घराबाहेर सुरक्षा वाढवली

या चिमुकलीचे आई-वडील देखील परिसरात आराम करत होते, असं रेल्वे स्थानकावरील नागरिकांनी सांगितलं. त्या पिडीत चिमुकलीच्या आई वडिलांना देखील या घटनेची माहिती नसल्याचं सांगण्यात आलं आहे. संभाजीनगर पोलिस ठाण्याचे अधिकारी या घटनेचा तपास करत आहेत.

रेल्वे पोलीस फक्त नावालाच का?

परळी रेल्वे स्थानकावरील नागरिकांच्या सुरक्षिततेसाठी रेल्वे पोलीस असून या ठिकाणी आलेल्या प्रवाशांच्या सुरक्षिततेची जबाबदारी त्यांच्यावर असते. मात्र ही घटना दिवसाढवळ्या घडली आहे. यामुळे रेल्वे पोलिस फक्त नावालाच आहेत का? असा सवाल यावेळी नागरिकांतून उपस्थित केला जात आहे. यावरून जिह्यात महिला सुरक्षित आहेत का? असा प्रश्न सध्या उपस्थित केला जात आहे. पोलिस प्रशासन अशा नराधमावर काय कारवाई करणार आणि कायदा आणि सुव्यवस्था अबाधित राखण्यासाठी काय उपाय योजना करणार आता हे पाहणं आवश्यक आहे.

Nanded News : कोणी खांद्यावर घेतलं, तर कोणी होडीने बाहेर काढलं; वर्दीतील जवान ठरले विघ्नहर्ता, रेस्क्यू करुन अनेकांचे प्राण वाचवले

पायी निघालेल्या सहा जणांना चिरडलं

दरम्यान, बीड जिल्ह्यातील नामलगाव फाट्याजवळ काल सकाळी साडेसात वाजताच्या सुमारास भीषण अपघात झाला आहे. धुळे-सोलापूर राष्ट्रीय महामार्गावर भरधाव वेगाने आलेल्या कंटेनरने सहा जणांना चिरडलं असून या अपघातात चार जणांचा जागीच मृत्यू झाला, तर दोन जण गंभीर जखमी झाले आहेत. हे सर्व लोकं देवदर्शनासाठी पायी चालले होते. मात्र वाटेतच त्यांना मृत्यूनं गाठलं. बीड ग्रामीण पोलिसांनी घटनास्थळी धाव घेऊन कंटेनर चालकाला ताब्यात घेतलं आहे. जखमींना जिल्हा रुग्णालयात दाखल करण्यात आलं असून पोलीस पुढील तपास करत आहेत.