Solapur Action taken Against Bogus Doctor : सोलापूरमध्ये एक धक्कादायक प्रकार उघडकीस आली आहे. जिल्ह्यात एका बोगस डॉक्टरचा पर्दाफाश केला आहे. तालुका आरोग्य अधिकारींनी या बोगस डॉक्टरविषयी फिर्याद दिली आहे.
एका मंदिरात बोगस आरोग्य शिबीर आयोजित केले होते
उत्तर सोलापूर तालुक्यातील वडाळा येथील एका मंदिरात बोगस डॉक्टर उपचारासाठी येत असल्याची तक्रार एका संघटनेने आरोग्य विभागाकडे दिली होती. या तक्रारीवरून बोगस डॉक्टर जिल्हा शोध पथकातील डॉ. ज्ञानेश्वर लांडगे, डॉ. चंद्रकांत ऐवळे व इतर सदस्य यांनी रविवार १० ऑगस्ट रोजी संबंधित ठिकाणी छापा मारला. तेव्हा आरोपी वीरेंद्र आणि कलीम हे दोघे रुग्णांना तपासत होते. आरोग्य शिबिरात रुग्णांना वेगवेगळ्या प्रकारची पावडर स्वरूपात औषधे देत होते. त्यावेळी तालुका आरोग्य अधिकाऱ्यांनी रंगेहाथ कारवाई केली आहे.
Mumabi Dahi Handi : नऊ थरांची नवलाई संपुष्टात, ‘जय जवान’ची हॅट्रिक, कोकणनगरच्या राजाकडूनही दस का दम
बोगस डॉक्टराने बोगस आरोग्य पथक घेत उपचार सुरू केले
तालुका आरोग्य अधिकाऱ्यांनी कारवाई करताना सर्व घटनेचे मोबाईलमध्ये चित्रीकरण केलं. बोगस डॉक्टर वीरेंद्र भालचंद्र जाधव, कलीम इब्राहिम शेख यांनी आरोग्य पथक नेमून उत्तर सोलापूर तालुक्यातील मंदिरात आरोग्य शिबीर आयोजित केलं होतं. पाच ते सहा महिला स्वतःला नर्स सांगून उपचार करत होते. जिल्हा प्रशासनाच्या आरोग्य पथकाने आरोपींकडे वैद्यकीय प्रमाणपत्र नोंदणीची माहिती विचारली. पण, त्यांना कागदपत्रे सादर करता आले नाही. यासाठी आरोपींनी दोन दिवसांची लेखी मागणी केली. त्यानंतरही कोणतेही कागदपत्रे जमा न केल्याने याबाबत गुन्हा दाखल झाला. आरोपींकडून एक पावडरची डबी जप्त करण्यात आली आहे. याचा तपास पोलिस नाईक मुल्ला हे करत आहेत.
धरणे भरली, चिंता मिटली! राज्यातील धरणांत 75 टक्के पाणीसाठा, मागील वर्षीच्या तुलनेत आठ टक्क्यांनी वाढ
मी स्वतःला डॉक्टर मानत नाहीत; फक्त जडिबुटी देतोय
संशयीत आरोपी वीरेंद्र भालचंद्र जाधव, हा तालुका आरोग्य अधिकाऱ्यांना समजावून सांगण्याचा प्रयत्न करत होता. ‘मी स्वतःला डॉक्टर कुठं म्हणत आहे, मी फक्त जडिबुटीची औषधे देत आहे’. त्यावेळी तालुका आरोग्य अधिकाऱ्यांनी वैद्यकीय उपचार करण्याचे प्रमाणपत्रे मागितले परंतु बोगस आरोग्य शिबीर आयोजित करणाऱ्यास प्रमाणपत्रे सादर करता आले नाही. संशयीत आरोपी आरोग्य शिबिर गावात भरवणार असल्याचं सांगून याची जाहिरात करत होते. रुग्णांना उपचारानंतर त्यांना खाण्यासाठी एक पावडर द्यायचे. त्यासाठी जवळपास पाचशे ते सातशे रुपये त्यांच्याकडून घेत होते. अशाच प्रकारे दिलेल्या औषधामुळे त्रास झाल्याने एका महिलेनेही याची तक्रार दिली, अशी माहिती सूत्रांनी दिली.
लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा