राहुल गांधी यांच्या जीवाला धोका असल्याचं त्यांच्या वकिलांनी न्यायालयाला सांगितलं होतं. त्यासाठी अर्ज दाखल करण्यात आला होता. पण हा अर्ज राहुल गांधी यांच्याशी सल्लामसलत न करता केला गेला होता. त्यामुळे आज दाखल करण्यात आलेला अर्ज उद्या मागे घेणार असल्याची माहिती गांधी यांचे वकील मिलिंद पवार यांनी दिली. आज दाखल केलेल्या अर्जाला माझे अशील राहुल गांधी यांनी तीव्र विरोध केला आहे. त्यांनी अर्जातील मजकुराबद्दल असहमती व्यक्त केलेली आहे. त्यामुळे अर्ज मागे घेणार असल्याचं पवार यांच्याकडून सांगण्यात आलं आहे.