Mumbai Woman Duped online : टोळीने इंस्टाग्रामवर ‘लॉस्ट लव्ह बॅक, खोया हुआ प्यार पाये 24 घंटो मे’ अशा आशयाच्या अनेक जाहिराती पसरवत लोकांना गंडा घातला आहे
राजस्थानच्या श्री गंगानगर या पाकिस्तान सीमेवरील शहरातून दोघांना या प्रकरणी अटक करण्यात आली आहे. या टोळीने महाराष्ट्र, दिल्ली, हरयाणासह अन्य राज्यांतील तरुणांची फसवणूक केल्याची माहिती समोर आली आहे.
पोलिसांनी दिलेल्या माहितीनुसार, या टोळीने इंस्टाग्रामवर ‘लॉस्ट लव्ह बॅक, खोया हुआ प्यार पाये 24 घंटो मे’ अशा आशयाच्या अनेक जाहिराती पसरवल्या होत्या. दक्षिण मुंबईतील प्रेमभंग झालेल्या एका 18 वर्षीय तरुणीने ही जाहिरात पाहून तिला लाइक केले. त्यानंतर समोरून तिला फोन सुरू झाले.
मौलवी असल्याचे भासवून एका व्यक्तीने तिच्याशी संपर्क साधला. ‘तुझे प्रेम तुला अवघ्या काही तासात मिळवून देऊ, त्यासाठी काही विधी करावे लागतील. या विधीला सोने, चांदी आणि काही रोख रक्कम लागेल,’ असे तिला सांगण्यात आले. 
Ratnagiri Crime : कोकणातील निवृत्त शिक्षिकेच्या हत्येचं गूढ उकललं, धक्कादायक कारण समोर, चिपळूणमधून तरुणाच्या मुसक्या आवळल्या
या तरुणीने 1 ऑगस्ट रोजी या व्यक्तीस विधी करण्यासाठी मुंबईत बोलावले. घरातील सुमारे 13 तोळे सोन्याचे दागिने आणि तीन लाख रुपयांची रोकड तिने या व्यक्तींच्या स्वाधीन केली.
Dadar Kabutar Khana: कारच्या टपावर कबुतरांना खाद्य घातलं, लालबागहून आलेल्या गृहस्थावर दादरकर संतापले
नोकरीचे आमिष, 37 लाख उकळले
दुसरीकडे, नागपुरात महामेट्रो आणि आरोग्य विभागात नोकरीचे आमिष दाखवून उमेदवारांची 37 लाख रुपयांनी फसवणूक करण्यात आली. या प्रकरणी कुख्यात रोशन खोडे, वय 42 वर्ष, याच्यावर गिट्टीखदान पोलिसांनी गुन्हा दाखल करीत 9 ऑगस्ट रोजी न्यू काटोल रोडवरील त्याच्या निवासस्थानावरून अटक केली. खोडेने एका एनजीओच्या मदतीने ही फसवणूक केली, असे पोलिसांनी सांगितले. 
Crime News : यवतमाळच्या लेडी कंडक्टरचा जीव देण्याचा प्रयत्न, बस स्थानकाजवळ झाडावर चढली, रिक्षावाला देवदूत ठरला
पीडितांचा विश्वास संपादन करण्यासाठी खोडे त्यांना मोठमोठ्या हॉटेलांमध्ये भेटायला बोलवायचा. शिवाय, त्याने बनावट नियुक्तीपत्रे तयार करून ती दिली. कधीकाळी नेट कॅफेचा मालक असलेल्या खोडेने बेरोजगार तरुणांना लक्ष्य केले. अत्याधुनिक क्लृप्त्या वापरल्या. गिट्टीखदान पोलिस आता खोडेच्या संबंधांची आणि नेटवर्कची चौकशी करत आहेत. वायुसेनानगर येथील अमोल जीभकाटे, महेश भुजाडे आदींसह कित्येकांची त्याने फसवणूक केली.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा