शिंदेसेना सत्तेतून बाहेर पडणार? मोदी, शहांना शिंदेंचा अप्रत्यक्ष ‘मेसेज’; बैठकीत काय घडलं?
गावित पुढे म्हणाले की, ‘अवैध गैरप्रकार करणे आमच्या विरोधकांची सवय आहे. त्यामुळे विविध चौकशीच्या जाळ्यात ते अडकले असून आमच्या विरोधातील लोकप्रतिनिधी लवकरच मोठ्या अडचणीत आलेले दिसतील’, असं नमूद करुन पुढं सांगितलं की, महायुतीचे घटक असतानाही आमच्या विरोधात काम करणाऱ्या स्थानिक नेत्यांबद्दल पक्षाच्या वरिष्ठांकडे जाऊन स्पष्टपणे कल्पना देऊन झाली आहे. महायुतीच्या विरोधातील त्यांच्या कामाची संपूर्ण माहिती आम्ही दिली आहे. आगामी निवडणुकीत आपण स्वबळावरची भूमिका कशासाठी घेत आहोत हे देखील स्पष्ट करून झालं आहे. लोकसभा आणि विधानसभेत महायुतीच्या घटक पक्षांनी भारतीय जनता पक्षाच्या उमेदवारांच्या विरोधात प्रचार केला असल्यानेच स्वबळावर लढण्याचा हा निर्णय घेतला असून आगामी काळात येणाऱ्या निवडणुकामध्ये कुठल्याही प्रकारे युती करण्यात येणार नाही’.

‘पक्षाने ठरवून दिलेल्या पद्धतीनुसार उमेदवार निवडीची प्रक्रिया पार पडेल. जिल्हा परिषद नगरपालिका निवडणुकीत भारतीय जनता पक्षाचाच विजय होणार’, असं वक्तव्य आमदार विजयकुमार गावित यांनी केलं. ‘आम्ही आमची शक्ती फक्त आणि फक्त पक्षासाठी वापरत आलो आहोत आणि पक्ष वाढीसाठीच लावणार आहोत’, असंही गावित यावेळी म्हणाले.