राज्यात दिवसेंदिवस महिलांवरील अत्याचारांमध्ये वाढ होते आहे. बलात्कार, विनयभंग यांसारख्या घटना दररोज समोर येतात. मात्र लातूर जिल्ह्यातील हसेगाव या गावातून एक संतापजनक घटना समोर आली आहे. येथे, एका एचआयव्ही बाधित अल्पवयीन मुलीवर बलात्कार झाला होता. त्यानंतर आता धाराशिव जिल्ह्यातील ढोकी येथून ही घटना समोर आली आहे. एचआयव्हीबाधित अल्पवयीन मुलीवर बलात्कार करुन गर्भवती राहिलेल्या मुलीचा गर्भपात करण्यात आला आहे. या घटनेमुळे संपूर्ण महाराष्ट्र हादरला आहे.
Yavatmal News : हजारचा पाढा येत नाही म्हणून इयत्ता दुसरीच्या विद्यार्थिनीला शिक्षकाकडून जबर मारहाण, संतप्त पालकांनी…
मिळालेल्या माहितीनुसार, औसा तालुक्यातील एक नामवंत एचआयव्ही बाधित संगोपन संस्था आहे. या संस्थेत एचआयव्ही बाधित अल्पवयीन मुलीवर अत्याचार करण्यात आला. तसेच बलात्कारनंतर सदर मुलीचा गर्भपातदेखील केला. या गर्भपातामुळे हे धक्कादायक प्रकरण समोर आलं आहे. पीडित मुलीवर सध्या रुग्णालयात उपचार सुरू आहेत. पीडित मुलीच्या तक्रारीवरून ढोकी पोलीसात गुन्हा दाखल करण्यात आला असून अद्याप कोणालाही अटक करण्यात आलेली नाही.

नेमकं काय घडलं?

औसा तालुक्यातील एका नामवंत एचआयव्हीबाधित संगोपन संस्थेतील पीडित मुलीच्या तक्रारीवरून ढोकी पोलीसात गुन्हा दाखल केला आहे. या संस्थेतील आणखी काही मुलींवर अत्याचार झाला असल्याची मुलीने तक्रारीत म्हटले आहे. ढोकी पोलिसातील गुन्हा औसा पोलिसांमध्ये वर्ग करण्याची प्रक्रिया सुरू असून अद्यापपर्यंत कोणालाही अटक झालेली नाही. औसा तालुक्यातील या नामवंत संस्थेला अनेक पुरस्कार मिळालेले आहेत. त्यामुळे या घटनेने जिल्ह्यासह राज्यात खळबळ उडाली आहे.
Nagpur Murder : मायाताई पळू लागल्या, पण सावत्र मुलीच्या चौथ्या नवऱ्याने भररस्त्यात संपवलं, नागपुरातील उच्चभ्रू वस्तीत थरार
धाराशिव जिल्ह्यातील ढोकी येथे पोलीस ठाण्यात पोक्सो अंतर्गत गुन्हा नोंद करण्यात आला होता सदरील मुलीवर दवाखान्यामध्ये उपचार सुरू आहेत. यानंतर लातूर जिल्ह्यातील औसा पोलीस ठाण्यात हा गुन्हा वर्ग करण्यात आला आहे. याप्रकरणी पोलिसांशी संपर्क साधण्याचा प्रयत्न केला असता पोलिसांनी माहिती देण्यास नकार दिला.