वसई पश्चिमेकडील कळंब समुद्रकिनारी मॉर्निंग वॉकसाठी गेलेल्या काही स्थानिक नागरिकांना समुद्राच्या लाटांसोबत एक भला मोठा कंटेनर समुद्रकिनारी वाहून येत असल्याचे निदर्शनास आले. स्थानिकांनी तात्काळ याबाबतची माहिती पोलिसांना दिली, घटनेची माहिती मिळाल्यानंतर नालासोपारा पोलीस घटनास्थळी दाखल झाले. समुद्रकिनारी कंटेनर वाहून आल्याच्या घटनेमुळे परिसरात खळबळ उडाली व या कंटेनर बाबत कुतूहल निर्माण झाल्याने बघ्यांची देखील मोठी गर्दी समुद्रातून वाहून आलेला हा कंटेनर पाहण्यासाठी कळंब समुद्रकिनारी जमा झाल्याचे पहावयास मिळाले.
MRI Machine: स्कॅनिंग रुममध्ये प्रवेश करताच भयंकर घडलं, MRI मशीनमध्ये अडकल्याने पतीचा वेदनादायी अंत, पत्नीचा आक्रोश

कंटेनरजवळ न जाण्याचं नागरिकांना आवाहन

सुरक्षेच्या दृष्टीने नागरिकांना कंटेनरजवळ न जाण्याचे आवाहन करण्यात आले आहे. पोलीस आणि तटरक्षक दलाने घटनास्थळी सुरक्षा वाढवली आहे आणि कंटेनरचा मूळ स्रोत शोधण्यासाठी तपास सुरू आहे. स्थानिक प्रशासनाने नागरिकांना संयम बाळगण्याचे आणि अधिकृत माहिती मिळेपर्यंत अफवांवर विश्वास ठेवू नका असे आवाहन केले आहे.

पोलिसांकडून तपास सुरु

समुद्रकिनारी आढळून आलेला हा कंटेनर मालवाहू जहाजातून पडून समुद्राच्या लाटांमुळे कळंब समुद्रकिनारी वाहून आल्याचा अंदाज वर्तवण्यात आला आहे. समुद्रकिनारी आढळलेला हा बला मोठा कंटेनर कोणत्या कंपनीचा आहे? कुठून वाहून आला? नेमके याच्यात काय आहे? याबाबतचा तपास पोलिसांमार्फत सुरू आहे.

5 दिवसांपूर्वीही कंटेनर सापडला होता

यापूर्वीही असाच एक कंटेनर सापडला होता. नवी मुंबईच्या न्हावा शेवा बंदरावर असाच एक कंटेनर सापडला होता. या कंटेनरमध्ये 13.18 कोटी रुपयांचे तस्करीचे परदेशी सिगारेट आढळले होते. महसूल गुप्तचर संचालनालयाच्या (डीआरआय) मुंबई प्रादेशिक युनिटने न्हावा शेवा बंदरात परदेशी सिगारेटच्या मोठ्या खेपाची तस्करी उधळून लावली आणि कंटेनर जप्त केला.