महाराष्ट्र राज्यात राहून जय गुजरात म्हणायचे. तुम्ही गुजरात राज्यात राहावयास जा. तुमच रेशन कार्ड गुजरात राज्याच करा अशी संतप्त प्रतिक्रिया शरद कोळी यांनी दिली आहे. पुढे ते म्हणाले, बाळासाहेब ठाकरे हयात असते तर जय गुजरात म्हणणाऱ्याच्या कानशिलात लगावली असती. एकनाथ शिंदे यांनी जय हिंद, जय महाराष्ट्रनंतर थोडेसे थांबत थेट जय गुजरात म्हटल्याने अनेकांनी भूवया उंचावल्या. पुण्यातील या कार्यक्रमात अमित शहा हे देखील उपस्थित होते. यावेळी शिंदेंनी अमित शहांचे काैतुक केले.
राज ठाकरेंसारख्या सडकछाप…; भाजप नेत्याची जहाल भाषा; महाशक्तीकडून ‘दुसरा’ प्लान ॲक्टिव्ह?भाषणाच्या शेवटी त्यांनी जय हिंद, जय महाराष्ट्रबरोबरच जय गुजरात देखील म्हटले. जय गुजरात म्हटल्याने सतत टीका होत असल्याने शेवटी एकनाथ शिंदे यांनी समोर बसलेली मंडळी गुजराती भाषिक असल्याने आपण जय गुजरात म्हणालो. पुण्यात त्यांनी योगदान दिले आहे. मात्र, जय गुजरात म्हणण्याआधी मी जय हिंद, जय महाराष्ट्र देखील म्हटले, असे शिंदेंनी स्पष्ट केले. यादरम्यान त्यांनी उद्धव ठाकरे आणि आदित्य ठाकरे यांची काही व्हिडीओही मोबाईलमध्ये दाखवली.

राज्याचे मुख्यमंत्री देवेंद्र फडणवीस यांनी देखील एकनाथ शिंदेंची पाठराखण केलीये. यावेळी त्यांनी शरद पवारांचे उदाहरण देत म्हटले की, शरद पवारांनी देखील जय कर्नाटक म्हटले होते. म्हणजे त्यांचे महाराष्ट्रावर प्रेम कमी आणि कर्नाटकावर जास्त असे होत नाही ना..एकनाथ यांनी जय गुजरात म्हटले म्हणजे त्यांचे महाराष्ट्रावरील आणि मराठी भाषेवरील प्रेम कमी झाले असे म्हणणे संकोचीत विचार असल्याचेही देवेंद्र फडणवीसांनी म्हटले. उबाठा गटाकडून जय गुजरात म्हटल्यापासून एकनाथ शिंदेंवर जोरदार टीका केली जात आहे.