चिपळूण शहरातील गोवळकोट रोड परिसरात हाय लाइफ बिल्डिंगच्या पहिल्या मजल्यावर राहणाऱ्या अश्रफ तांबे यांच्या किचनमध्ये एक गोळी काच फोडून आतमध्ये आली आणि मोठा आवाज झाल्याने हे कुटुंब घाबरले. पलीकडच्या शेतातून शिकारीच्या हेतूने ही गोळी झाडण्यात आल्याचा प्राथमिक अंदाज व्यक्त करण्यात आला आहे. आज सकाळी 11 ते 12 वाजण्याच्या सुमारास अचानक गोळीचा आवाज आला आणि आजुबाजूच बिल्डिंगमधील नागरिकही घाबरले.
Sindhudurg News : सिंधुदुर्गातील मालवणमधील हॉटेल काम करणाऱ्या नेपाळी युवकाच्या सांगाड्याचं गुपित उलगडलं, जाणून घ्या
तांबे यांच्या फ्लॅटमधील किचनच्या खिडकीला छिद्र पडलेले दिसले. या छिद्रातून चाऱ्याची गोळी खाली पडलेली दिसली. चक्क दिवसाढवळ्या डुकराची शिकार करत असताना हा प्रकार घडल्याची प्राथमिक माहिती पोलिसांच्या तपासात समोर आली आहे. दरम्यान या सगळ्या धक्कादायक प्रकारची गंभीर दाखल चिपळूणचे पोलीस अधीक्षक फुलचंद्र मेंगडे यांनी घेतली असून या सगळ्या प्रकारची माहिती आजूबाजूच्या लोकांकडून घेण्याचे काम सुरू आहे. या बिल्डिंगच्या जवळच शेतात भातलावणीचे काम सुरू आहे. तेथील काही महिलांनी काही लोक डुकराचा पाठलाग करत असताना पहिल्याची माहिती पोलिसांना दिली आहे.

त्यामुळे आता चिपळूण पोलिसांचे पथक या परिसराजवळ असलेले सीसीटीव्ही फुटेज आदी तांत्रिक बाबींची चौकशी सुरू करण्यात आली आहे. दरम्यान या प्रकरणी चिपळूण पोलिस ठाण्यात अद्याप कोणीही तक्रार दाखल केली नसली तरी आपण या प्रकरणी चौकशी सुरू केली असून हा प्रकार नक्की कोणी केला त्याचा तपास करून त्यांच्यावरती कारवाई केली जाईल, अशी माहिती चिपळूण पोलीस ठाण्याचे पोलीस निरीक्षक फुलेचंद्र मेंगडे यांनी दिली आहे. दरम्यान या सगळ्या घटनेमुळे दिवसाढवळ्याही शिकारीसाठी छऱ्याची बंदूक घेऊन फिरणारे कोण आहेत याबद्दल प्रश्नचिन्ह उपस्थित झाल आहे.