नव्या रचनेनुसार, कोअर झोनमध्ये एक सफारी आता आठवड्याच्या इतर दिवशी ८ हजार ८०० रुपये, आठवड्याच्या शेवटी शनिवार व रविवार आणि सार्वजनिक सुट्टीच्या दिवशी १२ हजार ८०० असेल. बुकिंग ६० ते १२० दिवस आधी करावे लागणार आहे. त्याचप्रमाणे सफारीच्या एक ते ५९ दिवसांपर्यंत बुकिंग केल्यास, आठवड्याच्या दिवशी ५ हजार ८०० आणि आठवड्याच्या शेवटी ६ हजार ८०० खर्च येईल.
बाबांचे नवाबांशी कौटुंबिक नातं, भुमरेंचा काय संबंध? 150 कोटींच्या जमीन गिफ्ट प्रकरणात ड्रायव्हरची प्रतिक्रिया
१ ऑक्टोबर रोजी पर्यटकांसाठी कोअर झोनमधील सफारी सुरू होणार असल्याने नवीन हंगामापासून हे दर लागू होतील. बफर झोन मधील सफारीदेखील महागली आहे. ही वाढ १ जुलैपासून लागू होणार आहे. आठवड्याच्या दिवशी शुल्क सहा हजार रुपये आणि आठवड्याच्या शेवटी शनिवार व रविवार आणि सार्वजनिक सुट्टीच्या दिवशी सात हजार रुपये झाले आहे. रिसॉर्ट मालक आणि मार्गदर्शकांनी अचानक झालेल्या वाढीबद्दल चिंता व्यक्त केली आहे.

‘बफर’मध्ये १ जुलैपासून मान्सून पर्यटन
पावसाळ्यात रस्त्यांची पावसाळ्यात जैवविविधतेवरील दुष्परिणाम टाळण्यासाठी तसेच जंगलातील कच्च्या रस्त्यांमुळे व्याघ्रप्रकल्प पावसाळ्यात बंद ठेवण्यात येतात. मातीचे रस्ते असल्याने संरक्षित जंगलांमध्ये भ्रमंती करणे कठीण असते. यंदा मान्सून लवकर आला आहे. पण आधीच सफारीचे ३० जूनपर्यंत बुकिंग झाले असल्याने नेहमीच्या १ जुलैपूर्वी पावसाळी सुट्टीचा विचार कठीण होता. तेव्हा आता व्याघ्रप्रकल्पातील कोअर क्षेत्रात पर्यटकांसाठी सफारी येत्या १ जुलैपासून बंद होणार आहे. मात्र बफर क्षेत्रात मान्सून पर्यटन सुरू ठेवले जाणार आहे. बफर क्षेत्रात १६ गेट असून पावसामुळे रस्त्यांची स्थिती बघून सफारीबाबत निर्णय घेतला जाऊ शकतो, असेही सूत्रांनी स्पष्ट केले.