धडगाव तालुक्यातील त्रिशूल मोजरापाडा येथे राहणाऱ्या दिलवरसिंग नानटा वसावे याला दारू पिण्याचे व्यसन होते. नेहमीच दारू पीत असल्याने त्याची पत्नी रोशनी दिलवरसिंह वसावे त्याच्याशी सतत वाद घालत होती. दिलवरसिंग वसावे याने इतर दोघांना सोबत घेत राहत्या घरी त्याची पत्नी रोशनीचा साडीच्या साहाय्याने गळा दाबून खून केला. हा गुन्हा लपवण्यासाठी घराच्या लाकडी दांडीला साडी बांधून मृत पत्नीचे प्रेत घराच्या माळ्यावर चढवले. या घटनेमुळे एकच खळबळ उडाली.
Nandurbar Crime : ‘तो गोव्याच्या बीचवर आहे’; महाराष्ट्रातील फरार कुख्यात गुंडासाठी खबऱ्याचा फोन,पोलीस बीचवर पोहोचले अन्…
याप्रकरणी मृत महिलेचा भाऊ रवींद्र रोता वसावे यांनी पोलिसांत तक्रार दाखल केली. धडगाव पोलीस ठाण्यात दिलवरसिंह नानटा वसावे त्याचे साथीदार ईश्वर सेवा वसावे, रूपा हुका वसावे सर्व राहणार त्रिशूल मोजरापाडा ता. धडगाव यांच्याविरोधात पोलीस ठाण्यात भारतीय न्याय संहिता कलम 103(1), 235(अ), 3(5) प्रमाणे गुन्हा दाखल करण्यात आला आहे. याप्रकरणी पोलीस उपनिरीक्षक ज्ञानेश्वर पाटील पुढील तपास करीत आहेत.

अशीच एक धक्कादायक हत्येची घटना सोलापुरातून समोर आली आहे. ज्या मुलाला नऊ महिने नऊ दिवस गर्भात वाढवले, ज्याच्या शिक्षणासाठी राबून त्याला नोकरीलायक बनवले त्याच आईला पोटच्या मुलानेच मुलाने ठार मारण्याचा प्रयत्न केला आहे. आई तिला मिळणारी पेन्शन मावशी, मामा यांना देत होती. या रागातून पोटच्या मुलानेच आईच्या डोक्यात कुकरने जोरात मारून जीवे ठार मारण्याचा प्रयत्न केला. पोलिसांनी संशयीत आरोपीला अटक करून न्यायालयात उभे केले असता न्यायालयाने दोन दिवसांची पोलिस कोठडी ठोठावली आहे.