आज सकाळी बारामतीतील नटराज नाट्य कला मंदिरात येऊन तुकाराम काळे यांनी आपला पाठिंबा जाहीर केला. यावेळी पॅनलचे प्रमुख व कारखान्याचे माजी अध्यक्ष पृथ्वीराज जाचक, पॅनलचे समन्वयक किरण गुजर यांच्यासह सनसरचे माजी सरपंच राहुल काळे, अशोक काळे, विक्रांत सरक, वकील प्रदीप थोरात, विलास खटके यांच्यासह इतर उपस्थित होते.

यावेळी जाचक यांनी तुकाराम काळे यांच्या पाठिंब्यामुळे आमचा पॅनल आणखी भक्कम झाला असून, आमचे आठ उमेदवार निवडून आलेच आहेत, इतरही उमेदवार मोठ्या मताधिक्याने विजयी होतील, असा आपल्याला विश्वास असल्याचे मत पृथ्वीराज जाचक यांनी व्यक्त केले.
Satej Patil : एकनाथ शिंदेंचा सतेज पाटलांना पुन्हा धक्का, काँग्रेसच्या नाराज शिलेदारांना शिवसेनेची खुली ऑफर
तुकाराम काळे यांनी बोलताना मी दादांचा माणूस आहे, छत्रपती कारखाना अत्यंत अडचणीतून जात आहे. अशा वेळी आपण वेगळे काही करायला नको, त्यामुळे अजित पवार, भरणेमामा आणि पृथ्वीराज जाचक यांच्या नेतृत्वाखालील पॅनलची कारखान्याला आवश्यकता आहे, म्हणूनच आपण माघार घेत हा निर्णय घेतला. मी आता आजपासूनच या पॅनेलचा प्रचार करणार आहे असे त्यांनी सांगितले.

छत्रपती कारखान्याची निवडणूक तशी काहीशी एकतर्फी झाली असून, छत्रपती बचाव पॅनलला पूर्ण ठिकाणी उमेदवारही मिळालेले नाहीत. तर आता हळूहळू एक एक उमेदवार या पॅनलची साथ सोडत आहेत.
Sharad Pawar : काका-पुतण्याचा साताऱ्यात बाजूबाजूला मुक्काम, शरद पवार मोठा निर्णय जाहीर करण्याचे संकेत
दरम्यान, छत्रपती सहकारी कारखान्याच्या 21 जागांसाठी तब्बल 600 हून अधिक जणांनी आपले उमेदवारी अर्ज दाखल केले, त्यानंतर उपमुख्यमंत्री अजित पवार यांनी इच्छुक उमेदवारांच्या मुलाखती घेतल्या होत्या. या मुलाखतीला चारशेहून अधिक इच्छुक उमेदवारांनी मुलाखती दिल्या होत्या.