कोल्हापूर जिल्ह्याच्या कांडगाव गावात जयसिंग आणि प्रताप पाटील या दोन भावांनी पारंपरिक ऊस शेती सोडून एक वेगळा निर्णय घेतला. त्यांनी हाती घेतली ड्रॅगन फळाची शेती – आणि हे पीकच त्यांच्यासाठी गेमचेंजर ठरलंय. शेतीत नव्या प्रयोगांची तयारी आणि सेंद्रिय पद्धतीचा वापर करत, त्यांनी तीन एकरात ड्रॅगन फळाची ट्रेलीज पद्धतीने लागवड केली. तैवान, व्हिएतनाममध्ये लोकप्रिय असलेलं हे पीक त्यांनी थेट हैदराबादवरून मागवलेली सी-व्हरायटी लावून कोल्हापुरात फुलवलं.