अविनाश भुसारी यांच्यावर पॉईंट ब्लँकवरुन गोळ्या झाडण्यात आल्या. राम नगर आणि लक्ष्मी भुवनला जोडणाऱ्या रस्त्यावर भुसारींना संपवण्यात आलं. कॅफे चालवणारे अविनाश त्यांच्या आई, वडिलांचे एकुलते एक चिरंजीव होते. ते कॅटरिंगचा व्यवसाय करायचे. भुसारींची हत्या टोळीयुद्धातून झाल्याची माहिती पोलिसांनी दिली. आपल्या चुलत भावाच्या हत्येचा बदला घेण्यासाठी आरोपींनी भुसारींची हत्या केल्याचं पोलिसांनी सांगितलं.
गव्हाच्या पोत्यांखाली जिवंत जाळलं; घरापासून हाकेच्या अंतरावर तरुणाचा अंत; गावात पोलीस तैनात
मंगळवारी रात्री अविनाश यांच्यावर चार जणांनी गोळीबार केला. आरोपी दुचाकीवरुन आले होते. त्यांनी अविनाश भुसारींवर ८ गोळ्या झाडल्या. पोलिसांना घटनास्थळी ६ काडतुसं सापडली आहेत. या प्रकरणातील चार संशयित हल्लेखोर बंटी हिरेवार टोळीचे आहेत. अंबाझरी पोलीस ठाण्यात अज्ञात हल्लेखोरांविरोधात एफआयआर नोंदवण्यात आला आहे. दोन संशयितांना अटक करण्यात आली आहे. सिद्धू भारद्वाज आणि आकाश टेंबरे अशी त्यांची नावं आहेत.

गुन्हे शाखेनंसुद्धा या प्रकरणाचा तपास सुरु केला आहे. अविनाश भुसारी यांच्यावर गोळ्या झाडल्यानंतर त्यांचा मृत्यू झाला. त्यांचा मृतदेह रक्ताच्या थारोळ्यात पडला होता. त्यावेळी हल्लेखोर त्यांच्या मृतदेहाजवळ गेले. त्यांनी भुसारींवर आणखी दोन गोळ्या झाडल्या. हा गोळीबार पॉईंट ब्लँकवरुन करण्यात आला. हल्लेखोरांनी भुसारींच्या डोक्यावर गोळ्या झाडल्या. त्यावेळी एक हल्लखोर ‘भाई का बदला लिया मैने’ असं ओरडत होता.
उच्चशिक्षित कुटुंब अचानक स्मशानातून राख आणू लागलं, वेड्यासारखं वागू लागलं; ग्रामस्थ दहशतीत
अविनाश भुसारींना जवळच्या रुग्णालयात नेण्यात आलं. तिथल्या डॉक्टरांनी त्यांना मृत घोषित केलं. पोलिसांनी आसपासच्या भागातील सीसीटीव्ही फुटेज तपासलं. हल्ला झाला त्यावेळी अविनाश कॅफेच्या गार्डसोबत आईस गोळा खात होते. त्यावेळी हल्लेखोर २ दुचाकींवरुन तिथे आले. जेवणाच्या पार्सलची वाट पाहात असलेल्या अविनाश यांच्यावर हल्लेखोरांनी गोळ्या झाडल्या. अविनाश यांना एकूण ५ गोळ्या लागल्या. यातील ४ गोळ्या त्यांच्या डोक्याला, तर १ छातीवर लागली.