निवडणूक रणधुमाळी आणि मतदारांचा कौल

डिसेंबर महिन्यापासून सुरू झालेल्या निवडणूक प्रचारात सोलापूरमध्ये महायुती आणि महाविकास आघाडीमध्ये अटीतटीची लढत पाहायला मिळाली. स्थानिक मुद्द्यांपासून ते राज्याच्या राजकारणापर्यंत अनेक विषय प्रचारात गाजले. अखेर आज मतदारांनी आपला कौल ईव्हीएममध्ये बंद केला आहे. दरम्यान, या एक्झिट पोलने विविध केंद्रांवर घेतलेल्या कलानुसार, सोलापूरकरांनी विकासाच्या मुद्द्यावर भाजपला झुकते माप दिल्याचे दिसत आहे.

जागांचे संभाव्य समीकरण: कोणाला किती जागा?

सामच्या एक्झिट पोलनुसार, सोलापूर महापालिकेच्या एकूण जागांपैकी भाजपला सर्वाधिक जागा मिळताना दिसत आहेत. या पोलनुसार सोलापूरची संभाव्य आकडेवारी खालीलप्रमाणे आहे.

Pune Election Exit Poll 2026: पुण्याचा नवा ‘कारभारी’ कोण होणार? पुणे महापालिका एक्झिट पोलची मोठी आकडेवारी समोर

पक्ष, अंदाजित जागा

भारतीय जनता पार्टी (BJP),६२
शिवसेना (एकनाथ शिंदे गट),१५
काँग्रेस (INC),१२
राष्ट्रवादी काँग्रेस (अजित पवार गट),०४
शिवसेना (ठाकरे गट),०२
राष्ट्रवादी काँग्रेस (शरद पवार गट),०१
एमआयएम (AIMIM),०१
इतर व अपक्ष,०४

प्रणिती शिंदेंना धक्का

या एक्झिट पोलचा सर्वात मोठा धक्का काँग्रेस नेत्या प्रणिती शिंदे यांना बसण्याची शक्यता आहे. काँग्रेसला केवळ १२ जागांवर समाधान मानावे लागण्याची चिन्हे असून, भाजपच्या ६२ जागांच्या झंझावातापुढे काँग्रेसचा बालेकिल्ला धोक्यात आल्याचे चित्र आहे. जर हे आकडे निकालात बदलले, तर सोलापूरच्या राजकारणात हा मोठा फेरबदल ठरेल. दुसरीकडे, शिंदे सेनेनेही १५ जागांसह आपली ताकद दाखवून दिली आहे.

मतदारांचा हा कल प्रत्यक्ष निकालात परावर्तित होतो का, हे उद्या १६ जानेवारी रोजी होणाऱ्या मतमोजणीनंतरच स्पष्ट होईल. मात्र, सध्या तरी सोलापूरमध्ये भाजपच्या गोटात उत्साहाचे वातावरण आहे.