स्वत:च्या मुलीला शरीरविक्रयात ढकलण्याचा प्रयत्न केल्याचा आरोप या महिलेवर होता. ऑगस्ट-2021 मध्ये एका स्वयंसेवी संस्थेने केलेल्या स्टिंग ऑपरेशनमुळे हा प्रकार उघडकीस आला होता. पोलिसांनी नोंदवलेल्या एफआयआरनुसार, संस्थेने एका बनावट ग्राहकाला पाठवून त्या महिलेशी संपर्क साधला होता. त्यानंतर आरोपी महिलेने दोन मुली 65 हजार रुपयांना पुरवण्याची तयारी दाखवली. तिने व्हॉट्सॲपवर मुलींची छायाचित्रेही पाठवली. त्यातील एक मुलगी तिची स्वतःचीच होती. ती 17 वर्षांची होती.
Pune News : माझी बायको सारिका मला किडनी देईल… पुण्यातील रुग्णालयात ट्रान्सप्लांट, 15 लाखांमुळे मोठा ट्विस्ट
बनावट ग्राहकाने तिच्याशी चर्चा करून भेट निश्चित केली. त्याप्रमाणे संस्थेने पोलिसांत तक्रारही दिली होती. त्यानंतर पोलिसांनी खुणा केलेल्या पाच हजार रुपयांच्या नोटा ग्राहकाने आगाऊ रक्कम म्हणून महिलेच्या हाती दिल्या. त्याचवेळी सापळा रचून बसलेल्या पोलिसांनी छापा मारला आणि महिलेच्या ताब्यातून त्या नोटा जप्त केल्या. त्यानंतर पोलिसांनी आरोपी महिलेसह तीन महिलांविरोधात गुन्हा नोंदवून त्यांना अटक केली.

खटल्याच्या सुनावणीअंती आरोपी आई वगळता अन्य दोन महिलांविरोधात सबळ पुरावे नसल्याचे लक्षात घेऊन अतिरिक्त सत्र न्यायाधीश नीता अणेकर यांनी त्यांना निर्दोष ठरवले. मात्र आईविरोधात भादंवि, अनैतिक व्यापार प्रतिबंधक कायदा आणि बालन्याय कायद्यातील संबंधित कलमांखालील आरोप सिद्ध झाल्याचा निष्कर्ष नोंदवून तिला दहा वर्षांची शिक्षा ठोठावली.

‘अशा आईला दया दाखवता येणार नाही’

‘आई व तिच्या मुलामुलींमधील नाते हे प्रेम व विश्वासाचे पवित्र नाते असते. जगात इतके मजबूत नाते दुसरे कोणतेच नाही. आईचे प्रेम हे सर्वांत पवित्र, निःस्वार्थी व मजबूत असते. ती आई जन्म देण्याबरोबरच मुलांचे संगोपन करते, त्यांचे पोषण करते आणि जगातील क्रूरतेपासून त्यांचे रक्षणही करते. पण जेव्हा आईच स्वतःच्या मुलीला जगातील क्रूरतेकडे ढकलते, तेव्हा तिच्या जीवनावरील सर्व आशा-अपेक्षाच जणू संपुष्टात येतात. आपल्या मुलीला ला वेश्या व्यवसायासाठी नेऊन आणि फसवणूक करून आरोपी महिलेने प्रेम व विश्वासाच्या पवित्र नात्याचाच भंग केला आहे. त्यामुळे तिला कोणतीही दया दाखवता येणार नाही,’ असे न्यायालयाने आपल्या निर्णयात नमूद केले.