प्राण्यांवर प्रेम करणाऱ्या मानसीची शेवटची सहल

नवी मुंबईतील रहिवासी सूजीत यादव (वय 30) हे वाहतूक कंपनीत चालक म्हणून कार्यरत आहेत. दिवाळीनिमित्त सुट्टी मिळाल्याने त्यांनी पत्नी, 17 वर्षीय भाचा आणि दीड वर्षांची मुलगी मानसीसोबत नॅशनल पार्कला जाण्याचा निर्णय घेतला. मुलीला प्राण्यांची फार आवड होती म्हणूनच टायगर सफारी पाहण्यासाठी कुटुंब दुपारी साडेतीनच्या सुमारास पार्कमध्ये पोहोचले.Mumbai Fire News : मुंबईच्या जोगेश्वरीमधील JNS बिझनेस पार्क बिल्डिंगमध्ये भीषण आग; अनेक मजले भक्ष्यस्थानी, परिसरात भीतीचं वातावरण

सूजीत आणि त्याचे कुटुंब टायगर सफारीच्या तिकिट काउंटरजवळ बसले होते, तर छोटेखानी मानसी जवळच रस्त्याच्या कोपऱ्यात आनंदाने खेळत होती. त्या क्षणीच टायगर केज रोडवरून वेगाने येणाऱ्या रॉयल एनफिल्ड बुलेटने मानसीला जबर धडक दिली.

क्षणात संपलं सगळं

धडकेनंतर छोट्या मानसीच्या डोक्याला गंभीर दुखापत झाली आणि रक्त वहायला सुरू झाले. सूजीतने क्षणाचाही विलंब न करता तिला कांदिवलीतील शताब्दी रुग्णालयात नेले. परंतु डॉक्टरांनी तपासल्यानंतर मानसीला मृत घोषित केले, अशी माहिती पोलिसांनी दिली.

दुचाकीस्वार पळाला घटनास्थळावरून

या अपघातानंतर दुचाकीस्वार विनोद केवळे (वय 37) हा मदत न करता घटनास्थळावरून फरार झाला. तो बोरिवली (पूर्व) येथील रावळपाडा परिसरात राहतो. स्थानिकांनी प्रसंगाचं गांभीर्य ओळखून त्याच्या बाईकचा नोंदणी क्रमांक लिहून ठेवला, ज्याच्या आधारे कस्तुरबा मार्ग पोलिसांनी त्याची ओळख पटवली. यानंतर सीसीटीव्ही फुटेजमधून ही पोलिसांना अपघाताचा स्पष्ट पुरावा मिळाला.

पोलिसांनी केवळे याला अटक केली असून त्याच्याविरुद्ध गुन्हा दाखल करण्यात आला आहे. या घटनेनंतर यादव कुटुंबावर दुःखाचा डोंगर कोसळला असून एका सामान्य सहलीचा शेवट इतका भयंकर होईल असा विचार कोणीच केला नव्हता.