यवतमध्ये दगडफेड, तोडफोड

छत्रपती शिवाजी महाराज यांच्या पुतळ्याची 26 जुलै रोजी एका व्यक्तीने विटंबना केली होती. त्याच्या निषेधार्थ यवतमध्ये बंद पुकारण्यात आला होता आणि पोलीस ठाण्यावर मोर्चा काढण्यात आला. मोर्चा काढत आरोपीला अटक करण्याची मागणी करण्यात आली होती. त्याच अनुषंगाने 30 जुलै रोजी जन आक्रोश मोर्चाला भाजपचे विधान परिषदेचे आमदार गोपीचंद पडळकर आणि आमदार संग्राम जगताप यांसह वैष्णव किन्नर आखाड्याच्या प्रमुख जगद्गुरु स्वामी हेमांगी सखीजी यांची प्रमुख उपस्थिती होती. यांच्या उपस्थितीमध्ये जोरदार भाषणं झाली.
Nagpur News : उच्चशिक्षित महिलेची आठ पुरुषांसोबत लग्न, पन्नास लाखांची फसवणूक; नागपुरात ‘लुटेरी दुल्हन’ अखेर अटकेत
दुसरीकडे 1 ऑगस्ट रोजी एका तरुणाने सोशल मीडियावर आक्षेपार्ह पोस्ट टाकल्याने संशयित व्यक्तीच्या घरावर दगडफेक करण्याचा प्रयत्न करण्यात आला. या दगडफेकीच्या घटनेनंतर दोन गट आमने सामने आले. काही घरानां आग लावण्यात आली, तसंच काही तरुणांनी सहकारगर, इंदिरानगर, यवत रेल्वे स्टेशन रोड येथील मशिदीवर चढून तोडफोड केली. पोलिसांना जमावला नियंत्रणात आणण्यासाठी अश्रूधुराच्या नळकांड्या फोडव्या लागल्या होत्या.

शहरात जमावबंदी

या सर्व घटनेनंतर दगडफेकीमध्ये असणाऱ्या संशयित तरुणांना पोलिसांनी ताब्यात घेण्याचे प्रयत्न सुरू केले आहेत. काहीजण यवतमधून फरार असल्याची देखील प्राथमिक माहिती समोर येत आहे. जिल्हाधिकारी यांनी सध्याच्या परिस्थितीत यवतमधील सर्व बाजारपेठा बंद असून तणावपूर्व शांतता आहे. पोलिसांचा बंदोबस्त तैनात असल्याने परिस्थिती नियंत्रणात आहे. शहरात १४४ जमावबंदी लागू आहे.जिल्हाधिकारी जितेंद्र डुडी परिस्थितीचा आढावा घेऊन जमावबंदी लागू केली आहे. या जमावबंदीमुळे यवतमधील सर्व बाजारपेठा बंद असल्याचं चित्र आहे. घटनेचे गांभीर्य लक्षात घेता सध्या यवत परिसरामध्ये पोलिसांचा फौज फाटा तैनात करण्यात आला आहे.