कामरानं त्याच्या यूट्यूब चॅनलवरुन रविवारी ‘नया भारत’ नावाचा व्हिडीओ शेअर केला. पाऊण तासाच्या व्हिडीओ कामरानं सध्याच्या राजकीय परिस्थितीवर भाष्य केलं. पंतप्रधान नरेंद्र मोदी, केंद्रीय मंत्री अमित शहा, अर्थमंत्री निर्मला सीतारामन, उपमुख्यमंत्री एकनाथ शिंदे, उत्तर प्रदेशचे मुख्यमंत्री योगी आदित्यनाथ, खासदार सुधा मूर्ती, उद्योगपती आनंद महिंद्रा, भाविश अगरवाल यांची कामरानं खिल्ली उडवली. आता याच व्हिडीओच्या लहान लहान क्लिप्स कामरा एक्स, इन्स्टाग्रामवर शेअर करत आहे.सीतारामन यांच्यावर आर्थिक धोरणांची खिल्ली उडवणारा व्हिडीओ कामरानं काही वेळापूर्वीच शेअर केला आहे.

खार पोलिसांनी कामराला चौकशीसाठी बोलावलं आहे. पण कामरा सध्या मुंबईत नाही. त्याच्या इन्स्टाग्राम बायोनुसार, तो सध्या पुद्दुचेरीत आहे. कामराच्या वकिलांनी पोलिसांच्या समन्सनंतर मुदतवाढ मागितली आहे. कामरा मुंबईबाहेर असल्यानं तो चौकशीसाठी काही दिवसांनी हजर राहील, असं त्यांच्याकडून सांगण्यात आलं आहे. त्यामुळे या प्रकरणात आता नेमकी कोणती कायदेशीर कारवाई होते, याकडे सगळ्यांचं लक्ष लागलं आहे.Kunal Kamra: महाराष्ट्राच्या तमाम जनतेकडून धन्यवाद! कुणाल कामराची झोळी भरली, कोणी किती रक्कम दिली?
शिंदेंवरील विडंबन गीतानंतर शिवसैनिक कामरावर भडकले. त्याच्याविरोधात पोलिसात गुन्हे दाखल झाले. काही शिवसैनिकांनी कामराला फोन करत धमकावलं. तू आहेस कुठे ते सांग. आम्ही आता तिथे येतो, असा इशाराच त्यांनी दिला. त्यावर मी तमिळनाडूत आहे. या इकडे, असं थंड उत्तर कामरानं दिलं. त्यानंतर शिवसैनिकांनी स्टुडिओमध्ये घुसून केलेल्या तोडफोडीचा व्हिडीओ घेत एक गाणं शेअर केलं. ‘हम होंगे कामयाब’च्या चालीवर ‘हम होंगे कंगाल एक दिन, होंगे दंगे चारों ओर, पुलिस के पंगे चारों ओर’ या विडंबन गीतावर तोडफोडीचे फुटेज लावून कामरानं व्हिडीओ शेअर केला आणि शिवसेनेला सणसणीत टोला लगावला.