लॉकडाऊन काळातील खिचडी घोटाळा प्रकरणात सूरज चव्हाण यांना अटक झाली होती. १७ जानेवारी २०२४ पासून ते तुरुंगात होते. चव्हाण यांच्यावर भाजप नेते किरीट सोमय्यांनी आरोप केले होते. महानगरपालिकेकडून खिचडीचं कंत्राट घेतल्यानंतर पॅकेटमध्ये ठरल्यापेक्षा कमी खिचडी दिल्याचा आरोप सोमय्यांनी चव्हाण यांच्यावर केला होता. मुंबई उच्च न्यायालयानं आज त्यांना जामीन मंजूर केला.

सूरज चव्हाण तुरुंगातून सुटका झाल्यानंतर आदित्य ठाकरेंच्या भेटीसाठी पोहोचले. त्यावेळी शिवसेना भवनात आदित्य ठाकरेंची पत्रकार परिषद सुरु होती. सूरज चव्हाण आल्याचं ठाकरेंनी पत्रकार परिषद आटोपती घेतली. ते चव्हाण यांच्या भेटीसाठी पोहोचले. कारमधून उतरलेल्या चव्हाण यांची त्यांना गळाभेट घेतली. त्यावेळी आदित्य ठाकरे भावूक झाले होते.

यानंतर आदित्य ठाकरेंनी सूरज चव्हाण यांना सोबत मातोश्री गाठली. त्यावेळी शिवसेना उबाठाचे प्रमुख उद्धव ठाकरेंच्या पत्नी रश्मी ठाकरे, विधान परिषदेचे आमदार अनिल परब मातोश्रीच्या दारातच होते. युवासेनेचे पदाधिकारीदेखील यावेळी उपस्थित होते. आदित्य ठाकरे सूरज चव्हाण यांना सोबत घेऊन मातोश्रीमध्ये गेले. मागील वर्षभरापासून चव्हाण तुरुंगात होते. अखेर आज त्यांची सुटका झाली.