देवेंद्र फडणवीस वर्षा बंगल्यावर का जात नाहीत. शपथ घेऊन इतके दिवस झालेतरी फडणवीस का जात नाहीत. महाराष्ट्राला चिंता लागून राहिली आहे. शिंदे गटातील सगळे लिंबूसम्राट आहेत. माझ्या असं कानावर आलं आहे की, भाजपच्या गोटात चर्चा आहे की वर्षा बंगल्या बाहेरच्या लॉनमध्ये खोदकाम करून कामाख्या देवीला कापलेल्या रेड्याची शिंग पुरली आहेत. अशी त्यांचीच लोक सांगत आहेत. हे खरं आहे की खोटं आहे? आम्ही अंधश्रद्धेवर विश्सास ठेवत नसून अंधश्रद्धा निर्मूलन कायदा मानणारे आहेत. कामाख्य मंदिरात रेडे कटिंग झालं, तिथून मंतरलेली शिंग आहेती ती पुरली आहेत. मुख्यमंत्रिपद दुसऱ्या माणसाकडे टिकू नये असं तिकडला कर्मचारी वर्ग सांगत असल्याचा खळबळजनक दावा संजय राऊत यांनी केला आहे.

मुख्यमंत्रीपद रिकामं राहत आहेत. मु्ख्यमंत्र्यांचं अधिकृत निवासस्थान असून प्रतिष्ठेचा विषय आहे. तिथे काय घडलंय आणि काय झालंय हे महाराष्ट्राला समजायला हवं ना. कोणामुळे झालंय? मुख्यमंत्र्यांच्या मनात काय भीती आहे ते का अस्थिर आणि अस्वस्थ आहेत. मुख्यमंत्री काम करतायेत पण ते का अस्थिर आहेत हे महाराष्ट्राला समजायला हवं, असं संजय राऊत म्हणाले.

महाराष्ट्र हा पुरोगामी आहे, महात्मा फुले, संत गाडगे महाराज, प्रबोधनकार ठाकरे आणि अंधश्रद्धा निर्मूलनाच्या विरूद्ध काम करणारे सगळे लोक यांनी अंगारे, धुपारे, चमत्कार, हुंडा याविरोधात काम केलं आहे. पण गेल्या दोन अडीच वर्षामध्ये अंधश्रद्धेसंदर्भात प्रचंड चर्चा व्हायला लागल्या आहेत. हे अत्यंत चुकीचं असल्याचं संजय राऊत यांनी म्हटलं आहे.