पुण्यातून मोठी बातमी समोर येत आहे. काँग्रेसने पुणे महापालिका निवडणुकीत महत्त्वाचा निर्णय घेतला आहे. विशेष म्हणजे पुण्यात दोन्ही राष्ट्रवादी एकत्र येणार असल्याच्या चर्चांना उधाण आलेलं आहे. अशा परिस्थितीत काँग्रेसने घेतलेल्या निर्णयाने आता काय राजकीय समीकरणं निर्माण होणार? ते पाहणं महत्त्वाचं ठरणार आहे.
पुणे जिल्हा आणि अजित पवार यांचं वेगळं नातं आहे. ते पुणे जिल्ह्याचे पालकमंत्री देखील आहेत. त्यांचा तो बालेकिल्ला आहे. असं असलं तरी भाजप आणि शिंदेंची शिवसेना हे एकत्र निवडणूक लढणार असल्याने अजित पवार यांच्या राष्ट्रवादी पुढे मोठं चॅलेंज आहे. अशा काळात आपल्या समविचारी पक्षांना सोबत घेणं हा या पर्यायाचा अजित पवारांची राष्ट्रवादी विचार करु लागली. यातूनच राष्ट्रवादी काँग्रेस शरदचंद्र पवार आणि राष्ट्रवादी काँग्रेस पक्ष एकत्र येणार असल्याची चर्चा समोर आली. हीच चर्चा आगामी काळात खरी होण्याची शक्यता मानली जात आहे. याबाबत थेट घोषणा होऊ शकते किंवा दोन्ही राष्ट्रवादींमध्ये परस्पर सहमतीने उमेदवार दिले जाऊ शकतात, अशी चर्चा समोर आली.
माजी महापौर मिनाक्षी शिंदे यांचा राजीनामा, ठाण्यात एकनाथ शिंदेंच्या शिवसेनेत मोठं नाराजीनाट्य
एकीकडे या दोन्ही राष्ट्रवादी एकत्र येणार असल्याच्या चर्चा समोर आल्याने महाविकास आघाडीत मोठा गोंधळ उडताना बघायला मिळाला. विशेष म्हणजे ठाकरे बंधू तर एकत्र येताना दिसत आहेत. त्यांची पुण्यातही युती होण्याची शक्यता आहे. त्यामुळे काँग्रेस पक्षाचे नेते आणि पदाधिकारी विचारात पडले. आघाडीत लढायचं की स्वतंत्र लढायचं याबाबतचं द्वंद्व काँग्रेसच्या स्थानिक नेत्यांमध्ये होता. विशेष म्हणजे अजित पवारांच्या राष्ट्रवादीसोबत निवडणूक लढण्यास विरोध करणाऱ्या शरद पवारांच्या राष्ट्रवादी काँग्रेसचे शहराध्यक्ष प्रशांत जगताप यांनी राजीनामा दिल्याने दोन्ही राष्ट्रवादी एकत्र निवडणूक लढणार असल्याचं जवळपास फिक्स असल्याची चर्चा आहे. पण त्याची अधिकृत घोषणा करण्यात आलेली नाही. यानंतर आता काँग्रेसनेदेखील मोठा निर्णय घेतला आहे.
काँग्रेसचा मोठा निर्णय काय?
पुणे महापालिका निवडणूक स्वबळार लढवायची, असा निर्णय आता काँग्रेसच्या पक्षश्रेष्ठींनी घेतला आहे. काँग्रेस शहराध्यक्ष अरविंद शिंदे यांनी काँग्रेस पुणे महापालिका स्वबळावर लढणार असल्याची माहिती दिली. “पक्षश्रेष्ठींचा निरोप आला आहे, पुण्यात अजित पवारांच्या राष्ट्रवादीशी युती करू नका. ठाकरे आणि इतर कोणी येत असेल तर चर्चा करा. मात्र अजित पवारांशी युती करू नका”, अशी माहिती काँग्रेसचे शहराध्यक्ष अरविंद शिंदे यांनी दिली. काँग्रेसच्या या निर्णयाने आता अजित पवार आणि शरद पवारांच्या राष्ट्रवादीच्या युतीचा मार्ग मोकळा झाल्याचीदेखील चर्चा आता शहरात होऊ लागली आहे.Chandrapur Politics : चंद्रपूरमध्ये भाजपच्या गोटात तुफान नाराजीनाट्य, अखेर पक्षश्रेष्ठींचा मोठा निर्णय अन् डॅमेज कंट्रोल
“समविचारी पक्षांना सोबत घेऊन पुणे महापालिकेची निवडणूक लढवणार आहोत. त्यामुळे अजित पवार यांच्या राष्ट्रवादीसोबत आम्ही आघाडी करणार नाहीत. शिवसेनेसोबत युती आघाडीसंदर्भात चर्चा सुरू आहे. ठाकरेंनी त्यांच्या कोट्यातून मनसेला जागा द्याव्यात असा प्रस्ताव दिला आहे”, अशी माहिती काँग्रेसचे प्रदेश उपाध्यक्ष मोहन जोशी यांनी ‘महाराष्ट्र टाइम्स ऑनलाइन’शी बोलताना दिली आहे.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा