पोलिसांनी दिलेल्या माहितीनुसार, फेब्रुवारी महिन्यात अनंत व गौरी यांचा बीड येथे विवाह झाला. गौरी यांनी बीडच्या आदित्य दंत महाविद्यालयातून बीडीएस केले होते. त्यानंतर त्यांनी सेंट जॉर्जेस रुग्णालयात डेंटल असिस्टंट व पुढे शीव येथील लोकमान्य टिळक रुग्णालयात डेंटल सर्जन म्हणून काम केले. सध्या त्या केईएम रुग्णालयात होत्या.

विवाहानंतर त्या पतीसोबत वरळी येथील नवीन बीडीडी वसाहतीत वास्तव्यास होत्या. ‘गौरी आत्महत्या करायला निघाली आहे, तिला समजवा’, असे शनिवारी सायंकाळी अनंत यांनी फोन करून सांगितले आणि काही वेळात लगेच फोन करून ती मृत झाल्याचे त्याने कळवले, असे गौरी यांचे वडील अशोक पालवे यांनी जबाबात म्हटले आहे.

आत्महत्येचं कारण काय?

लग्नानंतर काही दिवसांनी डॉ. गौरी यांच्या हाती काही कागदपत्रे लागली. ती लातूर येथील ममता रुग्णालयाची होती. त्यात एका गर्भवती महिलेचे नाव होते. या महिलेच्या नावापुढे अनंत गर्जे यांचा पती म्हणून उल्लेख होता. त्यावरून अनंत यांचे या महिलेशी आधीच लग्न झाले होते किंवा प्रेमसंबंध होते, हे स्पष्ट झाले. त्यांनी हाती लागलेली कागदपत्रे, संबंधित महिलेसोबतच्या संबंधांवरून अनंत यांना जाब विचारला. त्या वेळी अनंत यांनी धमकावले, असा पालवे यांचा आरोप आहे.
UP Doctor Dance Video : सरकारी हॉस्पिटलमध्ये डॉक्टरचा तरुणीसोबत बनियनवरच डान्स, व्हिडिओ व्हायरल, नातं समजताच सगळे चक्रावले
वडिलांनी केलेल्या आरोपावरून वरळी पोलिसांनी अनंत यांच्या विरोधात पत्नीस आत्महत्या करण्यास प्रवृत्त केल्याबद्दल गुन्हा दाखल केला. शवचिकित्सा अहवालातून मृत्यूचे नेमके कारण, तसेच हत्या की आत्महत्या ते स्पष्ट होईल. तोपर्यंत पालवे कुटुंबीयांचे जबाब नोंदवून घेत असल्याचे पोलिसांनी स्पष्ट केले. अनंत यांच्यासह त्यांचा भाऊ अजय आणि बहीण शीतल गर्जे आंधळे यांनाही आरोपी करण्यात आले आहे.

नृत्याचा सराव

केईएम रुग्णालय प्रशासनाने दिलेल्या माहितीनुसार डॉ. गौरी गर्जे या मुंबईतील केईएम पालिका रुग्णालयामध्ये दंत चिकित्सा विभागामध्ये डॉक्टर म्हणून कार्यरत होत्या. सर्वांशी मिळून मिसळून वागणाऱ्या गौरी या दंतचिकित्सक म्हणून रुग्णांना उत्तम सेवा देत. शनिवारी त्या नेहमीप्रमाणे ड्युटीवर आल्या होत्या. दुपारी त्यांनी सहकाऱ्याच्या लग्नातील खास कार्यक्रमासाठी नृत्याचीही थोडा वेळ प्रॅक्टिस केली. त्यानंतर त्या घरी गेल्या होत्या.
Mumbai Crime : बाळासाहेबांच्या कट्टर शिवसैनिकाला मुंबईत भरदिवसा संपवलं, शिवजयंती गाजवणारे ‘महाराज’ काळाच्या पडद्याआड, आरोपी फक्त…

पंकजा मुंडेंची प्रतिक्रिया

‘ही घटना खूप धक्कादायक आहे. पोलिसांनी योग्य ती कारवाई करावी’, अशी प्रतिक्रिया पंकजा मुंडे यांनी दिली. ‘२२ नोव्हेंबरला संध्याकाळी ६.३० ते ६.४५ च्या सुमारास माझ्या दुसऱ्या पीएच्या फोनवर अनंतचा फोन आला. पत्नीने आत्महत्या केल्याचे त्याने मला सांगितले. ही गोष्ट माझ्यासाठीही खूप धक्कादायक आहे. पोलिसांनी कारवाईत कोणतीही कसर ठेवू नये आणि तपास योग्य पद्धतीने करावा’, असे पंकजा म्हणाल्या.