दरम्यान, पुण्यात वाढती गुन्हेगारी, टोळी युद्ध आणि अल्पवयीन मुलांच्या वाढत्या गुन्हेगारी प्रवृत्तीवर नियंत्रण आणण्यासाठी कोथरूडमधील केंद्रीय मंत्री मुरलीधर मोहोळ आणि उच्च व तंत्रशिक्षण मंत्री चंद्रकांत पाटील यांनी काही दिवसांपूर्वी पोलीस आयुक्तांसोबत बैठक घेतली होती. परंतु, त्या बैठकीला आठवडा उलटत नाही तोच कोथरूडमध्ये पुन्हा टोळक्यांनी दहशत माजवल्याची घटना समोर आली आहे.

Sangli Crime: खुन्यांचा खून करायला तिघांची फील्डिंग, पोलिसांसमोरच दोघांना संपवायचं होतं, पण डाव फसला, नेमकं काय घडलं?

सुतारदरा परिसरातील गणेश कॉलनी भागात काही टवाळखोर युवकांनी हातात धारदार कोयते घेत, तोंडावर मास्क लावून परिसरातील सीसीटीव्ही कॅमेरे फोडल्याची धक्कादायक घटना घडली आहे. या घटनेचा व्हिडिओ आता सोशल मीडियावर व्हायरल झाला असून, स्थानिक नागरिकांमध्ये प्रचंड भीतीचे वातावरण निर्माण झाले आहे.

सीसीटीव्ही फुटेजमध्ये आठ ते दहा युवक एकत्र फिरत असून, परिसरातील कॅमेरे मुद्दाम फोडताना दिसत आहेत. हातात मोठी शस्त्रे घेऊन हे युवक मुक्तपणे फिरत असल्याने परिसरातील रहिवाशांमध्ये सुरक्षेचा प्रश्न पुन्हा ऐरणीवर आला आहे.

काही दिवसांपूर्वी वाढत्या गुन्हेगारीला आळा घालण्यासाठी खासदार मुरलीधर मोहोळ आणि आमदार चंद्रकांत पाटील यांनी पोलीस आयुक्तांची भेट घेतली होती. मात्र, ही बैठक निष्फळ ठरल्याचे आता या घटनेवरून दिसत आहे.

१० नोव्हेंबर २०२५ रोजी घडलेल्या या घटनेनंतर स्थानिक नागरिकांनी पोलिसांकडे तातडीने कारवाईची मागणी केली आहे. पोलिसांनी संबंधित टोळक्यांचा शोध घेऊन कठोर कारवाई करावी, अशी मागणी परिसरातील रहिवासी करत आहेत.