अन्यथा सरकारलाही त्रास होतो

बारामतीतील Pimpli येथील ग्रामसचिवालयाच्या नवीन इमारतीचे उद्घाटन अजित पवार यांच्या हस्ते झाले. यावेळी त्यांनी विकासकामे, शेती, आणि स्थानिक समस्यांवर आपल्या नेहमीच्या शैलीत भाष्य केलं. ‘ज्यांना राजकारण करायचंय त्यांनी कॉन्ट्रॅक्टर बनू नये आणि ज्यांना कॉन्ट्रॅक्टर व्हायचंय त्यांनी राजकारणात येऊ नये’, असा टोला त्यांनी कॉन्ट्रॅक्टरच्या कामाच्या दर्जावरून होणाऱ्या त्रासाला लगावला. ‘चांगल्या कॉन्ट्रॅक्टरमुळे काम चांगले होतं, अन्यथा सरकारलाही त्रास होतो’, असं ते म्हणाले.

बुलढाण्यात भाजप- शिंदे गटात युती होणार की नाही? डिफेंडर कारवरुन तापलं वातावरण: आमदार संजय गायकवाड भाजप नेत्याला भिडले, म्हणाले….

आता निधी मागण्याची गरज नाही

सुनेत्रा पवार यांच्या वाढदिवसानिमित्त एका कार्यकर्त्याने मुख्यमंत्री सहाय्यता निधीला 50 हजार रुपयांची देणगी दिल्याचं त्यांनी सांगितलं. तसेच, मुंबईत 194 कोटींच्या मॉलचं काम सुरू असून, महिलांनी तयार केलेल्या वस्तूंची विक्री तिथे होणार आहे. प्रत्येक जिल्ह्यात 15 कोटींचा मॉल आणि तालुकास्तरावरही असे मॉल उभारण्याची योजना असल्याचं त्यांनी जाहीर केलं. ‘आता निधी मागण्याची गरज नाही, योजनांचा फायदा घ्या आणि कामं करून घ्या’, असं आवाहन त्यांनी ग्रामस्थांना केलं.

मी कुत्र्याला सांगतो, उडी मारू नकोस!

गावातील रस्त्यांवरील अडथळ्यांबाबत एका तरुणाच्या तक्रारीवर पवार म्हणाले, ‘मीच टिकाऊ आणि खोरं घेऊन येतो, पैसे देण्याचं माझं काम आहे, वाद मिटवून काम करुन घेणं तुमचं’. तसेच रस्त्यावरील डिव्हायडर मोठे करण्याच्या विषयावर एकाने प्रश्न विचारला की, ‘दादा रस्त्यावरील डिव्हायडर थोडे मोठे करा. कुत्री उडी मारुन गाडीसमोर येतात’. सूचनेवर ते मिश्किलपणे म्हणाले, ‘मी कुत्र्याला सांगतो, उडी मारू नकोस’, त्यांच्या या वक्तव्यावर एकच हशा पिकला.

वळसे पाटील पुन्हा ‘अ‍ॅक्टिव्ह मोड’वर; आधी कार्यकर्त्यांचे कान टोचले अन् नंतर निवडणुकीसाठी दिला खास सल्ला

तब्येत बनवा, पण बिल्डर झाल्यावर दहशत करू नका

‘व्यायामशाळा बांधली आहे, तिथे तब्येत बनवा, पण बिल्डर झाल्यावर दहशत करू नका,’ असं मिश्किलपणे सांगत त्यांनी तरुणांना चिमटा काढला. या कार्यक्रमात अजित पवार यांनी आपल्या खास खुमासदार शैलीत ग्रामस्थांशी संवाद साधला आणि विकासकामांना गती देण्याचं आश्वासन दिलं.