स्पोर्टिंग क्लब कमिटीची यंदाची निवडणुकीला शिवसेना विरुद्ध भाजप – शिवसेना (उद्धव बाळासाहेब ठाकरे) आणि मनसे असा राजकीय रंग दिला गेला. त्यामुळे स्पोर्टिंग क्लब कमिटीच्या निवडणुकीकडे लक्ष लागले होते. बेस्ट पतपेढी निवडणुकीनंतर ठाकरे बंधूंच्या युतीला या ठिकाणीही धक्का बसला आहे. गेल्याच महिन्यात झालेल्या बेस्ट पतपेढीच्या निवडणुकीतही शिवसेना, भाजप यांनी मैदान मारलं होतं, तर ठाकरे बंधूंच्या युतीच्या पॅनलला भोपळाही फोडता आला नव्हता.

अटीतटीच्या या निवडणुकीत स्पोर्टिंग क्लब पॅनेलचे शिवसेनेचे माजी नगरसेवक विकास रेपाळे, परिवहन सभापती विलास जोशी, ॲड. कैलास देवल, श्रावण तावडे आणि किरण साळगावकर निवडून आले. तर मावळत्या कार्यकारिणीतील माजी अध्यक्ष डॉ. राजेश मढवी, सचिव दिलीप धुमाळ, अतुल फणसे, डॉ योगेश महाजन यांनी आपल्या जागा कायम राखल्या.

स्पोर्टिंग क्लब कमिटी ही ठाण्यातील क्रिकेट खेळातील अग्रगण्य संस्था आहे. ठाण्याच्या क्रिकेटमध्ये संस्थेचे भरीव योगदान आहे. पुढील वाटचालीत विरोधकांनाही बरोबर घेऊन ठाण्याचे क्रिकेट आणि सेंट्रल मैदानाच्या विकासासाठी काम करणार असल्याचे स्पोर्टिंग क्लब पॅनलचे उमेदवार विकास रेपाळे यांनी सांगितले.
Vasant More : अर्धा तास ड्रोन शोसाठी एक कोटी ‘उडवले’, वसंत मोरे चिडले, मुरलीधर मोहोळांना म्हणतात, हवेत उडणाऱ्यांनी…

वरिष्ठ नेते मतदार

उपमुख्यमंत्री एकनाथ शिंदे, परिवहन मंत्री प्रताप सरनाईक, आमदार संजय केळकर, आमदार निरंजन डावखरे, आमदार जितेंद्र आव्हाड, माजी खासदार राजन विचारे, संजीव नाईक यांनी या निवडणुकीत मतदान केले. यंदा या निवडणुकीआधी झालेल्या आरोप-प्रत्यारोपाच्या फैरी झडत होत्या. त्यामुळे निवडणुकीला विशेष महत्व प्राप्त झाले होते.
Avinash Soundalkar : राज साहेब बडतर्फ करतील स्वप्नातही वाटलं नाही, मनसे नेत्याची खंत; एक स्वप्न अर्धवट, यापुढे भेटेन तेव्हा…
दरम्यान, या निवडणुकीत सुरुवातीला 24 उमेदवारांनी निवडणूक अर्ज दाखल केले होते. गेल्या सोमवारी, नावे मागे घेण्याच्या शेवटच्या दिवशी 6 उमेदवारांनी आपले अर्ज मागे घेतले. यात विसर्जित कार्यकारिणीतील प्रशांत गावंड यांचे नाव आश्चर्यकारकरित्या होते. गावंड मावळत्या कार्यकारिणीत माजी नगरसेवक विकास रेपाळे यांच्या पॅनलमधून सदस्य म्हणून निवडून आले होते.